Ўзбекистон республикаси олий ва ўрта махсус таълим вазирлиги ўзбекистон республикаси

Назорат ва мулохаза саволлари.

1. 
   Талабни шакллантириш ва сотувни рагбатлантириш деганда нимани тушунасиз?
   
2. 
   Сотувчиларга таъсир этиш услубларини кандай турларини биласиз?
   
3. 
   Харидорларга таъсир этиш услублари кандай?
   
4. 
   Маркетингда коммуникация сиесатининг урни кандай?
   
5. 
   Коммуникациянинг асосий воситаларига нималар киради?
   
6. 
   Коммуникацияда рекламанинг урни кандай?
   
7. 
   Рекламанинг кандай турларини биласиз?
   
8. 
   Маркетинг коммуникациясининг асосий боскичларини айтиб беринг.
   

14-МАВЗУ: МАРКЕТИНГДА РАҚОБАТ ВА РАҚОБАТБАРДОШЛИК


Режа

1.Ракобат мазмуни.

2.Ракобат турлари.
3.Товарнинг ракобат кобиоляти ва уни бахолаш услублари.
4.Корхона ракобат кобилятини тахлил килиш ва бахолаш
1.Ракобат мазмуни.
Рақобатли афзаллик - товар ёки марканинг фирмага ўзининг бевосита рақобатчиларига нисбатан маълум бир афзаллик берадиган характеристика ва хусусиятларидир. Бу характеристикалар (атрибутлар) ғоятда хилма-хил бўлиши ва товарнинг ўзига (асосий хизматга) ҳам, асосий хизматга қўшимча хизматларга, ишлаб чиқариш, савдо шаклларига ҳам тааллуқли бўлиши, ҳамда фирма ёки товарга хос бўлиши мумкин. Демак, бундай афзаллик нисбий бўлади ва товар бозорида ёки бозор сегментида энг яхши мавқега эга бўлган рақобатчига нисбатан белгиланади. Бу энг хавфли рақобатчи имтиёзли рақобатчи деб аталади.
Рақобатчининг нисбий афзаллиги турли омиллар билан белгиланади. Умуман олганда, бу омилларни улар вужудга келтирадиган ички ва ташқи афзалликлардан келиб чиққан ҳолда икки кенг тоифага ажратиш мумкин
Агар рақобатли афзаллик товарнинг ажралиб турувчи сифатларига асосланган бўлса, у “ташқи” афзаллик деб аталади, бу сифатлар харажатларнинг қисқартирилиши ёки самарадорликнинг оширилиши ҳисобига харидор учун қийматли бўлади.
Бинобарин, ташқи рақобатли афзаллик фирманинг “бозор қудратини” оширади, яъни у бозорни имтиёзли рақобатчидагига нисбатан юқорироқ сотиш нархларини қабул қилишга мажбур қила олади, чунки имтиёзли рақобатчи бундай ажралиб турувчи сифатларни таклиф эта олмайди.
Ташқи рақобатли афзалликдан келиб чиқадиган стратегия - бу дифференциация стратегияси бўлиб, бу стратегия фирманинг маркетинг соҳасидаги ноу-хаусига, унинг мавжуд товарлардан норози бўлган харидорларнинг истакларини аниқлаш ва қондиришдаги афзаллигига таянади.
Агар рақобатли афзаллик фирманинг ишлаб чиқариш харажатлари, фирмани бошқаришдаги афзаллигига ёки рақобатчидан кўра камроқ таннархга эришишга имкон берувчи ва “ишлаб чиқарувчи учун қиймат” ҳосил қилувчи товарга асосланган бўлса, бундай афзаллик “ички афзаллик” деб аталади.
Ички рақобатли афзаллик - фирмага кўпроқ рентабеллик келтирувчи ва уни сотув нархларининг бозор ёки рақобат томонидан пасайтирилишига кўпроқ даражада бардошли қилувчи юқорироқ “унумдорлик” оқибатидир.
Ички рақобатли афзалликка асосланган стратегия - бу харажатлар бўйича афзаллик стратегияси бўлиб, у асосан фирманинг ташкилий ва ишлаб чиқариш “ноу-хау”сига асосланади.
Рақобатли афзалликнинг келиб чиқиши ва табиати турлича бўлган бу икки тури кўпинча бир-бирига тўғри келмайди, чунки улар мутлақо фарқ қилувчи кўникма ва маданиятни талаб қилади.