Ўзбекистон республикаси олий ва ўрта махсус таълим вазирлиги ўзбекистон давлат жаҳон тиллари университети

Назорат саволлари 
1. Коррупция ўзи нима? 
2. Коррупцияга қарши курашиш бўйича фаолиятни амалга оширувчи давлат 
органлари қайсилар? 
3. Идоралараро комиссия қандай ваколатларни бажаради?
4. 
Коррупцияга қарши курашиш тўғрисида»ги Қонуннинг мазмун моҳияти? 

---

172
 
9-МАВЗУ: ФУҚАРОВИЙЛИК, ФУҚАРО ВА ФУҚАРОВИЙ 
ФАОЛЛИК 
РЕЖА: 
1. Фуқаровийлик, мазмун-моҳияти ва асосий хусусиятлари  
2. Фуқаровий онг ва унинг намоѐн бўлиш омиллари  
3. Фуқаровий фаоллик ва унинг фуқаролик жамиятидаги ўрни  
1.Фуқаровийлик, мазмун-моҳияти ва асосий хусусиятлари  
Мазкур мавзунинг асосий мақсади фуқаролик жамияти барпо этишда 
фуқароларнинг фаоллиги қандай аҳамиятга эга эканлигини ѐритишдан иборат. 
Зеро фуқаролик жамияти фуқаровий онги ва фаоллиги юксак бўлган 
фуқаролар ѐрдамида барпо этилиши мумкин. Фуқаровийлик мамлакатнинг 
ривожланиш босқичларида, бошқача айтганда ўтиш даврида яққол намоѐн 
бўлади. Бугунги кунда ҳам ижтимоий-сиѐсий ўзгаришларни бошидан 
кечираѐтган, аниқроғи фуқаролик жамияти барпо этаѐтган турли 
мамлакатларда фуқаровийлик муҳим аҳамият касб этмоқда. Фуқаровий 
фаолликнинг негизини англаш учун аввало фуқаровийликнинг назарий 
моҳиятини тушуниш талаб этилади.
Манбаларда қайд этилишича ўз ватани тараққиѐти учун ҳар қандай йўл 
билан, жисмоний ѐки маънавий меҳнат билан хизмат қилган киши ҳақиқий 
фуқарога айланади. Бундай қараш бироз фалсафий аҳамиятга эгадек туюлсада, 
аслида фуқаролик жамияти барпо этишда айнан фуқаронинг ватан тараққиѐти 
йўлидаги амалий фаолияти муҳим аҳамият касб этади.
Фуқаровийлик дастлабки қарашда ҳуқуқшуносликка оид атама сингари 
туюлади. Аслини олганда бу ҳодисани фалсафий, ҳуқуқий, социологик ва 
сиѐсий моҳияти мавжуд.
Фуқаровийлик бир давлатга мансубликни англаш, давлатга содиқлик 
ҳамда ватанпарварлик ҳисси сифатида талқин этилиши мумкин. Бунда 
давлатни, конституцияни, давлат рамзларини ҳурмат қилиш, давлат тузумини 
ва қонун устуворлигини ҳимоя қилишга тайѐрлик назарда тутилади.