Ўзбекистон республикаси олий ва ўрта махсус таълим вазирлиги ўзбекистон давлат жаҳон тиллари университети

Парламент назорати — тараққиѐтнинг муҳим омили бўлиб хизмат 
қилади. Ўзбекистонда давлат бошқаруви соҳасидаги ислоҳотлар ҳам айнан, 
олий вакиллик тармоғи бўлмиш, Парламентни ислоҳ қилишдан бошланди. 

---

61
Биринчи навбатда, миллий Парламент ва сиѐсий партияларнинг роли 
янада кучайтирилди. Ўтган бир йил давомида Олий Мажлис палаталари 
фаолиятида энг муҳим ўзгариш ‒ бу Парламент, шунингдек депутат ва 
сенаторларнинг фақат киритилган қонун лойиҳаларини кўриб чиқиш билан 
чекланмасдан, бевосита жойларга бориб, халқнинг турмуш даражасидан хабар 
олиш, уни қийнаѐтган муаммоларни тизимли таҳлил қилиш ва ҳал этишда 
иштирок этишлари бўлди.
Миллий Парламент иш фаолиятидаги муаммоларни ҳал этиш ҳамда улар 
ишини янада жонлантириш мақсадида Ўзбекистон Республикаси Президенти 
Шавкат Мирзиѐев иштирокида 2017 йил 12 июль куни Олий Мажлис 
палаталари, сиѐсий партиялар ҳамда Ўзбекистон Экологик ҳаракати вакиллари 
билан учрашув ўтказилди.
Учрашувда миллий Парламент томонидан эришилган ютуқлар билан 
бирга, ҳокимият вакиллик органлари, сиѐсий партиялар ва Экологик 
ҳаракатнинг ўтган даврдаги фаолияти танқидий руҳда таҳлил қилинди ҳамда 
келгуси ислоҳотларни янада чуқурлаштириш йўлидаги муҳим вазифалар 
белгилаб олинди.
Ушбу вазифаларни амалга ошириш ҳамда соҳада назоратни кучайтириш 
мақсадида юқори палата ҳузурида махсус комиссиялар ташкил этилди. 
Комиссия аъзолари ҳар ойда жойларга чиқиб, мавжуд муаммоларни таҳлил 
қилди ва уларни бартараф этиш бўйича бир қатор амалий чора-тадбирларни 
амалга оширди.
Сенаторлар биринчи марта ички ишлар вазирининг мамлакатда 
жиноятчиликка қарши кураш ва ҳуқуқбузарликнинг олдини олиш бўйича 
қилинаѐтган ишлар ҳақидаги ҳисоботини эшитдилар ва натижаси бўйича 
зарур комплекс чора-тадбирлар кўрилди. 
... депутат бўлиш, халқ ишончини қозониш ва уни муносиб равишда 
оқлаш – бу осон эмас. Бундай шараф ҳар кимга ҳам насиб этмайди. 
Депутат фикри-зикри билан халққа энг яқин одам, доимо эл-юртнинг 
ташвиш ва муаммолари билан яшайдиган, катта билим ва тажрибага эга 
бўлган шахс.