Ўзбекистон республикаси олий ва ўрта махсус таълим вазирлиги ўзбекистон миллий университети

I. Ўкув фанининг долзарблиги ва олий касбий таълимдаги ўрни
Давлатимиз раҳбари ва ҳукуматимиз томонидан АКТ соҳасини ривожлантиришга бўлган диққат-эътибор сабабли Республикамиздаги турли сохаларда фаолият юритадиган ташкилот ва корхоналар ўз компьютер тизимларга эгалар. Бундай тизимлар турли соҳага тегишли бўлган берилганларни сақлаш ва улар устида турли амалларни бажариш имконини беради. Бундай тизимларга эҳтиёж кундан-кунга ошиб бормоқда. Ҳозирги кунда иш унумдорлигини ошириш, вақтни максимал даражада тежаш, лойиҳанинг хавфсизлигини ошириш, мижознинг талабини тез ва сифатли бажаришда берилганлар базаси энг қулай тизимлардан бирига айланди.
“Берилганлар базаси” фани бакалавриатдаги асосий фанлардан бири бўлиб ҳисобланади. Бу фанда бошқарув жараёнида автоматизациялаштирилган бошқариш тизимлари ва ишчи ўринларини ривожлантириш, улар самарадорлигини ошириш, ҳамда ахборотларнинг ҳисоботи, режалаштириш, бошқариш учун йиғиш, ишлов бериш ва излаш, кейинчалик бу тизимларни кетма-кет ягона умумдавлат ахборот базасига бирлаштириш муаммолари, турли соҳалар бўйича махаллий автоматлаштирилган берилганлар базасини яратишга доир масалалар кўрилади.
“Берилганлар базаси” фани ихтисослик фани ҳисобланади ва ўқув йилининг 3-4-семестрида ўқитилади. Фанни ўқитиш маъруза, амалий машғулот ва мустақил таълим шаклида олиб борилади. Курс якунида талабалар томонидан курс ишларини топшириш назарда тутилган.
“Берилганлар базаси” фани йўналишнинг ўқув режасидаги “Дастурлаш асослари”, “Обьектга йўналтирилган дастурлаш”, “Компьютер тармоқлари”, “Алгоритмлар ва берилганлар структураси”, “Web дастурлаш”, “Java технологиялари” фанлари билан узвий боғлиқ. Фан мазмуни йўналишнинг ўқув режасидаги “Компьютер воситасида моделлаштириш”, “Мобил иловаларни яратиш” фанларини ўзлаштиришда таянч ҳисобланади.
II. Ўқув фанининг мақсади ва вазифаси
Фанни ўқитишнинг мақсади - берилганлар базасининг бошқариш тизимларини яратишнинг назарий ва энг замонавий амалий технологияларини ўрганишдан иборат.