Ўзбекистон республикаси олий ва ўрта махсус таълим вазирлиги ўзбекистон республикаси соғЛИҚни сақлаш вазирлиги тошкент тиббиёт академияси

Давлат санитария эпидемиология назорати марказлари бўлимларининг иш вазифалари
Меҳнат гигиенаси бўлими

1. 
   Мулкчиликнинг шаклидан ва қайси идорага бўйсунишидан қатъий назар корхоналар, бирлашмалар ва бошқа ишлаб чиқариш объектлари учун ер участкаси ажратишда иштирок этиш ва хулоса бериш.
   
2. 
   Мулкчиликнинг шаклидан ва қайси идорага бўйсунишидан қатъий назар корхоналар, бирлашмалар ва бошқа ишлаб чиқариш объектларини лойиҳалаш, қуриш, қайта қуриш, янгилаш чоғида, корхоналарнинг техника билан қайта қуроллантириш ва уларни фойдаланишга топшириш пайтида санитария нормалари, қоидалари ва гигиена нормативларига амал қилинганлигини назорат этиш ва хулосалар бериш.
   
3. 
   Лаборатория ва инструментал ўлчов усулларини қўллаб, микро - иқлим, шовқин, вибрация, чанг, электромагнит ва иссиқликдан нурланиш, вентиляция самарадорлиги, табиий ва сунъий ёритилганликни ҳамда ишлаб чиқариш корхоналарининг санитария - гигиена ҳолатини ўрганиш.
   
4. 
   Касб касалликлари, заҳарланишлар ва бахтсиз ҳодисаларини олдини олиш мақсадида мулкчиликнинг шаклидан қатъий назар, корхоналар, муассаса, ташкилот ва бирлашмаларнинг ходимларини дастлабки ҳамда даврий тиббий кўрикдан ўтказиш ва олинган маълумотлар асосида аниқ чора - тадбирлар ишлаб чиқиш.
   
5. 
   Қишлоқ хўжалиги, саноат, ишлаб чиқариш корхоналаридаги ишчилар ўртасида жароҳатланиш ва мажруҳлик, касалликларни, вақтинчалик меҳнатга лаёқатсизлик, умумий ва касб касалликларини аниқлаш.
   
6. 
   Ишчиларни соғломлаштириш, дам олиш ва иш шароитларини яхшилаш бўйича тадбирлар ишлаб чиқиш.
   
7. 
   Қишлоқ хўжалиги ва саноат корхоналарида ишлаётган аёл ва ўсмирларнинг меҳнат шароитларини ўрганиш ва унда меҳнат бўйича қонунларга риоя қилинишини текшириш.
   

8. 
   Ишчиларнинг техника хавфсизлиги қоидаларига риоя қилишларини, шахсий ҳимоя воситаларидан фойдаланишларини назорат қилиш.
   
9. 
   Минерал ўғитлар ва кимёвий заҳарларни ишлаб чиқариш, сақлаш, транспортировка килиш ва қўллашда санитария қоидаларига риоя қилишларини назорат қилиш.