Ўзбекистон республикаси олий ва ўрта махсус таълим вазирлиги заҳириддин муҳаммад бобур номидаги

Key words: greasy soil, partner planting, cotton plant, groundnut, soybean, produktion, 
economic efficiency 
Ўзбекистон ахолисининг сони оҳирги 25 йил ичида учдан бир қисмга, яъни 11,5 
млн.га кўпайиб, 33 млн.ни ташкил этмоқда ва бундан кейин ҳам кўпайиб бориши 
кутилмоқда.Ахолининг озиқ-овқат маҳсулотларига, саноатнинг эса хом-ашёга бўлган 
талабини қондириш учун янги ерларни очиш билан биргамавжуд тупроқ ресурсларидан 
самарали фойдаланиш, қишлоқ хўжалигига янги агротехнологияларни олиб кириш талаб 
этилади. Ана шундай агротехнологиялардан бири бир даланинг ўзида экинларни ҳамкор 
экиб, парваришлаш ва ҳосил утиштириш усулидир. 
Ҳамкор экиш бир қараганда алмашлаб экишга ўхшайди, аслида эса унга нисбатан 
қатор афзалликларга эга. Бунда бир йилнинг ўзида бир неча экинлардан юқори ва сифатли 
ҳосил олишга эришилади. Ҳамкор экилганда экинлар тупроқ-иқлим шароитларидан, 
табиий ресурслардан тўлароқ фойдаланиб, ноқулай шароитлар таъсири камаяди ва 
натижада иқтисодий самарадорликни сезиларли равишда оширишга эришилади. 
О.Валовик [1] маълумотига кўра, Хитойда ғўза билан ҳамкор экинларни 
биргаликда экиш усуллари кенг қўлланилади. Масалан, буғдой, шоли ёки рапс каби 
экинлар ғўза билан ҳамкорликда экилади. Айниқса бу усуллар Хитойнинг жанубий 
вилоятларида кенг қўлланилиб, юқори ҳосил олинмоқда. Айрим вилоятларда 30 ц/га 
буғдой ва 10,5 ц/га пахта толаси (30-31 ц/га пахта хом ашёси), ғўза рапс билан биргаликда 
экилганда 11,2- 15,0 ц/га рапс уруғи ва 7,5 ц/га пахта толаси (22-23 ц/га пахта хом ашёси) 
олинмоқда. 
Хиндистонда бир неча йиллардан буён ғўзани ерёнғоқ ва булғор қалампири билан 
биргаликда экиш усуллари қўлланилади. Бунда бир қатор ғўзадан кейин 14 қатор ерёнғоқ 
ёки булғор қалампириэкилади. Экинлар ҳамкорликда экилганда даромад ҳар доим бир хил 
экин экилгандагига нисбатан юқори бўлади (Тер-Аванесян, [5], Устименко-Бакумовский, 
[6] ). 

---

138 
Ўзбекистонда шамол эрозияси рўй берадиган худудларда ғўза билан буғдой ва 
жавдарни ҳамкорликда экиш бўйича тажрибалар академик Қ.М.Мирзажонов [2,3,4] ва 
унинг шогирдлари томонидан олиб борилган. 
Қ.М.Мирзажонов ва М.Юсуфжоновларнинг [4] Фарғона вилоятининг Қува туманида 
олиб борган тажрибасида кузда жавдар соф ҳолда ва жавдар рапс уруғлари аралашмаси 
пахта қатор ораларига сидерат экин сифатида экилган. Тажриба натижалари ғўза қатор 
ораларига сидерат экинлари соф ва аралаш ҳолда экилганда тупроқнинг ҳажм массаси 
1,23-1,37 г/см
3
дан 1,13-1,25 г/см
3
гача камайганлиги, шунингдек тупроқнинг структураси 
ва сув ўтказувчанлиги яхшиланганлиги аниқланган. 
Биз 2014-2016 йиллар мобайнида Андижон вилояти,Андижон тумани«Бакиров 
ёғдуси» фермер хўжалигининг ирригация эрозиясига учраган оч тусли бўз тупроқлари 
шароитида ғўзани ерёнғоқ экини билан ҳамкор экиш бўйича ишлаб чикариш 
тажрибаларини ўтказдик. Тажриба 3 та вариантдан иборат бўлиб, 1-варинтда ғўза якка 
ҳолатда 60х20-1 тизимда, 2-варинтда ерёнғоқ якка ҳолатда 60х20-1 тизимда ва 3- 
вариантда ғўза 120х20-1 тизимда экилиб, унинг қатор орасига 120х20-1 тизимда ерёнғоқ 
ҳамкор экин сифатида экилди. 
Август ойидаги фенологик кузатув натижаларига кўра, ғўза ерёнғоқ билан эгат 
оралатиб ҳамкор экилганда ғўза алоҳида экилгандагига нисбатан ҳосил шохлар сони 0,3-
0,4 дона, ҳосил элементлари (шона ва гул) сони 0,5-1,7 дона, кўсаклар сони 0,4-0,6 дона ва 
очилган кўсаклар сони 0,8-2,2 дона кўп бўлганлиги аниқланди. Шунингдек, бир дона 
кўсакдаги пахтанинг вазни ҳам 0,2-0,3 граммга юқори бўлганлиги қайд этилди. Энг 
муҳими, ғўза ерёнғоқ билан ҳамкор экилганда кўсаклар сезиларли даражада эрта пишиб, 
очилди( назоратдан 0,8-2,2 дона кўп). 
Ғўза алохида экилганда жами пахта ҳосили 35,2- 36,4 ц/га, биринчи теримда териб 
олинган ҳосил эса 26,8- 28,2 ц/га. га тенг бўлди, бу умумий хосилнинг 74,2-76,1 %ини 
ташкил этади.
Ғўза ер ёнғоқ билан ҳамкор экилганда жами етиштирилган пахта ҳосили 22,4-25,7 
ц/га, шундан биринчи теримда териб олинган ҳосил 20,6-23,7 ц/га тенг бўлди, бу жами 
хосилнинг 92,1 –92,3% ига тенгдир (I-жадвал).Шунингдек, ғўза ер ёнғоқ билан ҳамкор 
экилганда пахтага қўшимча 16,3-16,9 ц/га ер ёнғоқ ва 84,4-89,33 ц/га тўйимли пичан 
ҳосили олинди. 
I-жадвал