Ўзбекистон республикаси олий ва ўрта махсус таълим вазирлиги з. М. Бобур номидаги андижон давлат университети

Мавзунинг ўрганилган даражаси ва илмий янгилиги. 
Ўзбекистон 
мустақилликка эришган кундан бошлаб тарихимизга бўлган муносабат 
тубдан ўзгариб, совет даврида нотўғри баҳо берилган ёки юзаки кўриб 
чиқилган масалаларга жиддий илмий ёндашув кучайди. Айниқса, Ўзбекистон 
Республикаси Вазирлар Маҳкамасининг 1998 йил 27 июлдаги 
"ЎзРФА 
тарих институти фаолиятини такомиллаштириш ҳақиидаги"
қароридан 
сўнг ҳақконий тарихни яратиш, бу жараёнда бирламчи манбаларга асосий 
эътибор бериш, қўйилган муаммони соҳа мутахассислари томонидан ҳал 
этилиши, мавжуд муаммолар ечимини илмий асослаш борасида анчагина 
ишлар амалга оширилди. Шунга қарамасдан, узоқ ўтмишларга бориб 
такалувчи улкан тарихимизда ечимини кутаётган муаммолар талайгина.
Мустақиллик шарофати билан биз ўтмиш тараққиёт йўлимизни ҳеч бир 
мафкуравий ақидасиз ўрганиш ва ёритиш имконига эга бўлдик. Чунки 
«тарих хотираси, халқнинг, жонажон ўлканинг, давлатимиз ҳудудининг 
холис ва ҳақиқий тарихини тиклаш миллий ўзликни англаш, таъбир жоиз 
бўлса, миллий ифтихорни тиклаш ва ўстириш жараёнида ғоят муҳим ўрин 
тутади»
1
. Хусусан, бугунги кунда Ўзбекистоннинг Иккинчи жаҳон урушида 
иштироки ва уруш йилларида Ўзбекистондаги демографик ўзгаришлар ва 
унинг оқибатларини тадқиқ этиш ўрганиш борасида бир қатор ишлар амалга 
оширилмоқда.
1
Каримов Ислом. Ўзбекистон XXI аср бўсағасида... – Б. 140. 

---

6 
Юртимизда давлат томонидан Иккинчи жаҳон уруши қатнашчиларини 
рағбатлантириш ва бу уруш йилларида фашизмга қарши жангларда жон фидо 
этган халқимизнинг фарзандлари хотирасини тикланиши, абадийлаштириш 
масаласига ҳам катта эътибор берилмоқда. 1999 йил 2 мартда Ўзбекистон 
Республикаси Президенти И.А. Каримовнинг «9 майни Хотира ва қадрлаш 
куни, деб эълон қилиш тўғрисида»ги Фармони эълон қилинди. Фармоннинг 
ижроси сифатида 1999 йил 9 майда Ўзбекистон Республикасида биринчи бор 
9 май – Хотира ва қадрлаш куни сифатида нишонланди. Шу йилда 
Тошкентда Иккинчи жаҳон уруши йилларида фашизмга қарши Ватан 
озодлиги учун жон фидо этган халқимизнинг фарзандлари хотирасини 
абадийлаштириш мақсадида «Хотира ва қадрлаш майдони» мажмуаси барпо 
этилди ва 9 май куни унинг очилиш маросими бўлиб ўтди.
1996 йил 4 декабрда ташкил этилган Ўзбекистон Республикасининг 
«Нуроний» жамғармаси ташаббуси билан жангларда ҳалок бўлган 400 
мингга яқин ватандошларимиз ҳақида 34 жилдлик «Хотира» китоби 
тайёрланди ва нашр этилди.
Мазкур тадбирлар халқимизда миллий онгни юксалтиришга, тарихий 
хотиранинг тикланишига, ёшларни миллий истиқлол ғоялари руҳида
тарбиялашга хизмат қилмоқда.