Ўзбeкистон рeспубликаси олий ва ўрта махсус таълим вазирлиги

Диафрагма шоллиги
(CIII–IV, Кофферат синдроми) елка чигали (
n. 
frenicus
) ѐки орқа мия шикастланишида ривожланади. Синдром алоҳида 
кузатилиши мумкин, аммо 75% ҳолларда у юқори шоллик ѐки қўлнинг тотал 
фалажи билан бирга келади. Диафрагмал нервнинг шикастланиши кўпинча 
Дюшен–Эрбанинг чап томонлама шоллиги билан бирга кузатилади. 

---

122 
Диафрагмал нерв шоллигида етакчи синдром – нафас издан чиқиши 
синдромидир. Болани кўздан кечирганда қуйидагилар аниқланади: кўкрак 
қафаси ассиметрияси, унинг шикастланган томнининг нафас ҳаракатларида 
орқада қолиши, парадоксал нафас олиш, шоллик мавжуд томонда 
аускултация ўтказилганда сустлашган нафас фонида крепитация ва 
крепитацияланувчи хириллашлар эшитилиши мумкин. 
Рентгенологик сурат характерлидир: шикастланиш томонда диафрагма 
гумбазининг баланд туриши, чуқур қовурға-диафрагма синуслари, соғлом 
томонда компенсатор эмфизема туфайли диафрагма гумбазининг бироз 
текисланганлиги. Кўкс оралиғи аъзоларининг қарама-қарши томонга 
силжиши кузатилиши мумкин. Оғир шоллик ҳолатида, кўп ҳолларда, 
диафрагма функцияси 6-8 ҳафта ичида тўлиқ ѐки қисман тикланади. 
Дюшен–Эрба шоллиги ва фалажи
орқа миянинг CV–CVIсегментлари 
ѐки елка чигали травмасида ривожланади. Қуйидаги симптомлар клиник 
манзарага хос: травматик бўйин қийшиқлиги сабабли бош шикастланган 
томонга эгилган, шикастланган қўл тана бўйлаб жойлашган, тирсак бўғимида 
ѐзилган, ичкарига буралган, елка бўғимида ротация билакда эса пронация 
ҳолатида, панжа кафт томонга букилган ҳолатда орқага ва ташқарига 
бурилган. Проксимал бўлимларда мушаклар тонуси пасайган, бу елкани 
узоқлаштиришни, ташқарига буришни, горизонтал сатҳгача кўтаришни, 
тирсак бўғимида букишни ва билакни мупинация қилишни қийинлаштиради. 
Болани кафтга пастга қаратиб ушлаганда шол бўлган қўл пастга осилиб 
қолади, соғлом қўл эса танадан чуқур бўйлама бурма билан ажралган бўлади 
– бу “қўғирчоқ қўли” симптоми. Қўлтиқ ости соҳасида оролча кўринишидаги 
бурмаларнинг кўплиги – «қўлтиқ ости оролчалари» ва шол бўлган елканинг 
проксимал бўлимида тери тортишмаси қайд қилинади. Шикастланган 
қўлдаги пассив ҳаракатлар оғриқсиз, “чертиш (қарсиллаш)” симптомини 
аниқлаш мумкин. Моро, Бабкин ва ушлаб олиш рефлекслари пасайган, 
болдирнинг икки бошли мушаги пай рефлекси йўқ. Орқа миянинг СV–СVI 

---

123 
сегментлари шикастланганда жараѐнга пирамида йўллари қўшилади, бу 
шикастланиш томондаги оѐқда пирамидал етишмовчилик симптомлари 
(тизза ва ахил пайи рефлекслари кучайиши, кам ҳолларда – сонни 
яқинлаштирувчи мушаклар тонуси ошиши) билан намоѐн бўлади. Кўпинча 
Дюшен – Эрба проксимал фалажи ўнг томонда юзага келади, икки томонлама 
бўлиши ҳам мумкин.