Ўзбeкистон рeспубликаси олий ва ўрта махсус таълим вазирлиги

Буйрак артерияси тромбози
. 
Буйрак артерияси тромбози (БАТ) – янги туғилган чақалоқларда 
сувсизланиш, онанинг қандли диабети шароитида, ОАЙ орқали эмболияда 
юзага келадиган ѐки буйрак артерияларини катетеризациялаш асорати 
сифатида учрайдиган ноѐб касаллик. 
Шикастланиш симптомсиз ѐки оғир ҳолатларда ЎБЕнинг клиник 
манзараси билан намоѐн бўлиши мумкин. 
БАТнинг энг хавфли асорати бўлиб буйрак инфаркти ҳисобланади. 
Даволаш
. 

---

506 
Тромболитикларни қўллашдан, гипертензия ва гомеостазни тузатишдан 
иборат. Зарурат бўлган оғир ҳолатларда диализдан фойдаланиш. 
Артериал гипертензия
. 
Артериал гипертензия ташхиси етилиб туғилган чақалоқларда АБнинг 
90/60 мм сим.уст. дан ошганида ва чала туғилганларда 80/45 мм сим.уст.дан 
кўтарилганида қўйилади. Гипертоник касаллик билан хасталанган оналардан 
туғилган чақалоқларда туғилишда қон босими бироз юқори бўлади. 
Чақалоқларда артериал гипертензия кам учрайди, аммо жонлантиришда 
бўлган болаларда унинг учраш тезлиги 1% дан 2,5% гача. Янги туғилган 
чақалоқларнинг 1/3 қисмида гипертензия асимптоматик ўтиши мумкин. 
Неонатал даврда артериал гипертензия кўпинча юракнинг чиқариш 
юқорилиги, қоннинг юқори ѐпишқоқлиги, периферик қон томирлар 
қаршилигининг баландлиги, симпатик асаб тизимининг фаоллиги ошганлиги, 
баррефлектор 
реакциялар 
ва 
вазоконстрикторлар 
ҳамда 
вазодилататорларнинг мувозанати бузилиши билан боғлиқ. Янги туғилган 
чақалоқларда артериал гипертензиянинг ривожланиши қуйидаги буйрак 
патологияларида кузатилади: гўдак туридаги буйракларнинг поликистозида, 
буйрак етишмовчилигида, оғир обструктив уропатияда, шунингдек буйрак 
артериялари ѐки улар шохларининг тромбози ва аорта коарктациясида. 
Даволаш
. 
Неонатал гипертензияни даволаш учун қуйидаги дорилар қўлланилиши 
мумкин: сийдик ҳайдовчилар (фуросемид – ҳар 12–24 соатда 1–2 мг/кг дан, 
верошпирон, гипотиазид кунига 2–5 мг/кг дан); вазодилататорлар 
(гидрализин, апрессин – вена ичига ѐки оғиз орқали ҳар 6–12 соатда 0,22 
мг/кг дан, диазоксид – вена ичига 1–3 мг/кг, нитропруссид – 0,2–10 
мкг/кг/дақиқа); адреноблокаторлар (обзидан, анаприлин – кунига 0,5–2 мг/кг, 
лабетолол – томир ичига 0,5–1,0 мг/кг/соат); ангиотензинга айлантирувчи 
омил ингибиторлари (каптоприл – ҳар 8–12 соатда ичишга 0,010,5 мг/кг, энап 

---

507 
– вена ичига ҳар 8–12 соатда 5–15 мкг/кг, ичишга кунига 0,1 мг); калций 
каналлари блокаторлари (ҳар 8–12 соатда нифедипин 0,25–0,5 мг/кг дан), 
марказий таъсирга эга (метилдопа ҳар 8 соатда 2,5 мг/кг дан, бир марталик 
дозани 15 мг/кг гача оширилиши мумкин). 

---

508