Ўзбeкистон рeспубликаси олий ва ўрта махсус таълим вазирлиги

Буйрак веналари тромбози
. 
Буйрак веналари тромбози (БВТ) асосан чала туғилган чақалоқларда 
ҳаѐтнинг биринчи ойида кучли перинатал гипоксия, сувсизланиш, шок, 
сепсис ва юракнинг «кўк» нуқсонлари оқибатида ривожланади. Мойиллик 
омиллари бўлиб асоратланган туғруқлар, онадаги қандли диабет, 
чақалоқнинг тана вазнининг патологик йўқотилиши ҳисобланади. 
Клиник кўриниши
. 
БВТнинг намоѐн бўлиши бир хил эмас. Қайта-қайта қусиш, 
метеоризмдаги шок шароитида пайпаслаганда битта ѐки иккита буйракнинг 
катталашганлиги аниқланади, ҳаѐтнинг биринчи кунида артериал 
гипертензия хос эмас. 
Сийдик синдроми албуминурия, макрогематурия билан тавсифланади. 
Икки томонлама БВТда ЎБЕ тез ривожланади. 
Ташхислаш
. 
Қон томонидан камқонлик, тромбоцитопения, лейкоцитоз доимий 
белгилар ҳисобланади. Гиперкоагуляция қайд этилади, этанол тести кескин 
мусбат. Фибрин деградацияси маҳсулотлари миқдори ошганлигида зардоб 
фибриноген, плазминоген омили даражаси пасаяди. 
БВТ ташхисида энг маълумотли замонавий усуллар бўлиб 
допплерографик тадқиқотлар ва компютер томографияси, ЯМР қўлланилган 
ҳолда УТТ ҳисобланади. Изотоп ренография ва ренал венография ўзларининг 
диагностик аҳамиятини йўқотмаган. Экскретор урография (БВТнинг 
бошланғич босқичларида ва катта техник қийинчиликлар туфайли эрта 

---

505 
туғилган чақалоқларда тавсия этилмайди) бир томонлама жараѐнда «соқов» 
буйракни аниқлаб беради. 
БВТ нинг энг жиддий асорати бўлиб буйрак инфаркти белгиланган. 
Буйрак инфарктининг аниқ белгилари: полиурия билан тез алмашинадиган 
олигурия, макрогематурия, сийдик осмолярлиги пасайиши. Эхоскопик 
гиперэхоген ва гипоэхоген жойлар аниқланади, улар ноаниқ ўсмасимон 
структурага эга бўлиши мумкин. Допплер текширувлари қон айланишининг 
пасайишини ѐки йўқлигини тасдиқлайди. 
Даволаш
. 
Даволашда антиагрегантлар, антикоагулянтлар (Ли–Уайт бўйича қон 
ивишни назорат қилиш орқали бошланғич дозаси 50 ЕД/кг бўлган гепарин 
ҳар 6 соатда), фибринолитиклар (фибринолизин, урокиназа, стрептаза) – 
гепарин билан биргаликда 1 соат давомида 10 мл/кг дан томчилаб 
юборилади. 
Физиотерапевтик услублар – буйрак соҳасига гепарин, эуфиллин, 
никотин кислотаси электрофорези қўлланилади. 
ЎБЕнинг ривожланиши диализли терапия (перитонеал диализ ѐки 
гемодиализ) қўллаш учун кўрсатма ҳисобланади.