Ўзбeкистон рeспубликаси олий ва ўрта махсус таълим вазирлиги

Патоморфология. 
Ўткир гипоксия ўзгаришларида морфологик жиҳатдан бош мияда 
қуйидаги босқичлар ажратилади: I босқич – шиш– геморрагик; II босқич – 
энцефалик шиш; III босқич – лейкомаляция (некроз); IV босқич – қон кетиш 
билан кечадиган лейкомаляция. Биринчи икки босқич даволаниши мумкин, 
кейинги икки босқич нейронларнинг қайтмас ўлимига олиб келади. 
Антенатал (сурункали) гипоксияда нейронлар дистрофияси, глиянинг 
пролиферацияси, склерозланиш ҳодисалари, майда некроз ўчоқлари ўрнида 
кистали бўшлиқлар пайдо бўлиши кузатилади. 
Шуни эсда тутиш керакки, энцефалопатияда бош миядаги морфологик 
ўзгаришларнинг табиатига нафақат этиологик омил ва унинг давомийлиги, 
балки ноқулай омилларга таъсир қилиш пайтида миянинг етуклик даражаси 
кўп жиҳатдан таъсир қилади. 
Таснифлаш. 
Х қайта кўриб чиқилган КХТга кўра қуйидагилар мавжуд: 
P 91.0 Мия ишемияси. 
P 91.1. Янги туғилган чақалоқдаги перивентрикуляр кисталар 
(орттирилган). 
P 91,2. Янги туғилган чақалоқдаги церебрал лейкомаляция. 
P 91,3. Янги туғилган чақалоқдаги церебрал қўзғалувчанлик. 
P 91.4. Янги туғилган чақалоқдаги церебрал депрессия. 
P 91,5. Неонатал кома. 
Ташхислаш. 
Чақалоқлар энцефалопатияси ва туғруқ калла-мия шикастланиши 
ташхиси фақат янги туғилганлик даврида, яъни ҳаѐтнинг 1-ойида мумкин. 
Энцефалопатияни 
ташхислаш 
ва 
ташхисини 
шакллантириш 
босқичлари қуйида келтирилган. 
– янги туғилганлик даврида – церебрал дисфункцияни кўрсатиш: бош 
миянинг ўзгаришларининг асосий сабаблари ва хусусияти, оғирлик даражаси 

---

133 
ҳамда етакчи клиник бузилишлари (синдромлари) кўрсатилган ҳолда янги 
туғилганлар энцефалопатияси. 
Ташхисни шакллантириш намунаси: 
янги туғилган чақалоқнинг гипоксик-ишемик генезли, ўртача оғиликдаги 
энцефалопатияси, гипертензион синдром. 
– кўкрак даврида (ҳаѐтнинг 2-ойидан бошлаб) – нозология олди (синдромал) 
ташхис: асосий клиник синдромлар рўйхати (ҳаракат ривожланишининг 
кечикиши; руҳий ривожланишдан орқада қолиш; вегетатив дисфункция 
синдроми; яхши сифатли калла ичи гипертензияси; тутқаноқ ва фокал ѐки 
тарқоқ сифатида аниқланмаган эпилептик синдромлар; БДУ талваса 
синдроми; бошқа синдромлар), уларнинг пайдо бўлиш сабабларини 
белгилаган ҳолда – энцефалопатия ѐки туғруқ калла-мия шикасти. 
Ташхисни шакллантириш намунаси: 
янги туғилган чақалоқ бошидан ўтказган гипоксик-ишемик генезидаги 
энцефалопатия оқибатида ривожланган руҳий-мотор ривожланишнинг 
орқада қолиши. 
Нозологик ташхис қўйишда янги туғилганлар энцефалопатияси ѐки 
туғруқ калла ичи шикасти уларнинг юзага келиш сабаблари кўрсатилмаган 
ҳолда X қайта кўриб чиқилган КХТ бўйича асосий касалликлари (болалар 
церебрал фалажи; тутқаноқ; гидроцефалия; олигофрения ва бошқа 
касалликлар) келтирилади. 
Ташхис намунаси: 
янги туғилган чақалоқнинг бошидан ўтказган энцефалопатияси оқибатидаги 
болалар церебрал фалажи.