¤збекистон республикаси олий ва ¤рта махсус таълим вазирлиги

Натижани баҳолаш

Тажриба қуйидагича баҳоланади:

10 балл - бола биринчи уринишдаёқ ҳар уччала вазифани ажратилган вақт давомида ўзи бемалол уддалади.
8-9 балл - бола ажратилган вақт ичида уччала вазифани ечади, лекин унга уч бор уринишда 9 минутдан ортиқ вақт кетган ва бир-икки марта ёрдам берилган.
6-7 балл — бола вазифани бажариш учун уч маротаба уриниш ва бир-икки айтиб беришгандан сўнг биринчи ва иккинчи вазифани бажарган, аммо учинчисини бир-икки айтиб бериш ва уринишдан сўнг ҳам еча олмаган.
4-5 балл - бола жуда қийинчилик билан икки-уч айтиб берилгандан сўнг биринчи ва иккинчи вазифани ечади, учинчисини эса еча олмайди.
2-3 балл - бола икки уриниш ва икки маротаба айтиб беришдан сўнг биринчи вазифани ечади. Иккинчиси ва учинчисини еча олмайди.
0-1 балл - айтиб берилгандан сўнг ҳам, масалаларни еча олмайди.
Ривожланиш даражаси ҳақида хулоса:
10 балл - жуда юқори; 8-9 балл; 6 - 7 балл – ўртача; 2-3 балл – қуйи;
0-1 балл - жуда паст.
Боланинг ривожланиши даражаси ҳақида хулоса
Бу методика натижалари қуйидагича баҳоланади:
Агар боланинг тўплаган бали 10 га тенг бўлса, кўргазмали-ҳаракат тафаккури жуда юқори ривожланган ҳисобланади. Агар боланинг тўплаган бали 4,8 дан 8,0 гача бўлса, кўргазмали-ҳаракат тафаккури юқори ривожланган бўлади.
Агар 1,5-3,5 балл тўплаган бўлса, кўргазмали-ҳаракат тафаккури ўртача ривожланган бўлади, боланинг ўзи эса ўқишга тайёр ҳисобланади.
Агар умумий йиғилган баллар 0,8 дан юқори бўлмаса болада кўргазмали-ҳаракат тафаккури кам ривожланган, бола эса мактабда ўқишга шу кўрсаткич бўйича тайёр эмас, деб ҳисобланади.


9.3. «АҚЛДА ҲИСОБЛАЙ ОЛИШ» МЕТОДИКАСИ

Ушбу методика ёрдами билан боланинг арифметик амалларни ва турли хил каср сонлар яъни, оддий, ўнли, бутун касрларни тезликда ақлда ишлай олиш қобилиятини психодиагностика қилиш мумкин.

Агар болага саноқни мактаб ёшига қадар ўргатилган бўлса, унда берилган методикани мактабгача тарбия ёшидан бошлаб қўллаш мумкин. Асосан, бу методика мактаб ёшидаги ўқувчи болаларнинг қобилиятларини баҳолашга хизмат қилади.
Жадвалда берилган мисоллар намунасини болага тартиб билан оддийдан мураккабга қараб ўқиб эшиттирилади. Бола тезлик билан ўқилган мисолларни миясида ишлаб, оғзаки жавоб бериши лозим. Жадвалнинг ўнг ва чап томонига тўғри ишланган арифметик мисолнинг баллари келтирилган.
Жадвалдаги келтирилган барча намуналар гуруҳларга ажратилган. Агар берилган гуруҳлардаги 3 мисолдан, 2 тадан кам бўлмаган мисолни еча олмаса, унда болага аниқ бали ёзиб қўйилади.
Жадвалдаги намунада баллар миқдорига мос келувчи баҳолар бир-биридан горизонтал йўналишдаги чизиқлар билан ажратилган. Улар орасида боланинг берилган мисолларга тўғри жавоби учун оладиган баллари жойлашган. Топшириқни тўла бажаришга кетган умумий вақт 5 минутга тенг.
Топшириқ моҳияти бола шу вақт ичида қанча кўп мисол ишлаши билан белгиланади. Намунада берилган тўғри жавоблар фақатгина тадқиқотчига маълум бўлиши керак, бу унга боланинг жавобларини текшириб боришда қўлланма бўлиб хизмат қилади.