¤збекистон республикаси олий ва ¤рта махсус таълим вазирлиги

Мавзуни мустаҳкамлаш учун саволлар:

1. 
   Кўриш хотирасини қандай методика ёрдамида ўрганиш мумкин?
   
2. 
   Эшитиш хотирасини қандай методика ёрдамида ўрганиш мумкин?
   
3. 
   Пиктограмма методи орқали нимани ўрганиш мумкин?
   

4. Ҳикояни қайта эсга тушириш методикасининг мазмунини айтиб беринг?
VIII. ХАЁЛНИ ДИАГНОСТИКА ҚИЛИШ МЕТОДЛАРИ

Бола хаёлини баҳолашда турли хил ижодий ишлар: расм чизиш, ҳикоя тузиш, буюмларни ясаш билан боғлиқ жараёнларда фантазиянинг намоён бўлишига эътибор берилади.

8.1. «НУТҚИЙ ФАНТАЗИЯ» методикаси
Болага бирор жонли мавжудот (одам ёки ҳайвонлар) ҳақида (ёки боланинг хоҳишига кўра) ҳикоя тузиш ва уни сўзлаб бериш топшириғи берилади. Бунинг учун болага 5 минут вақт ажратилиб, шундан 1 минути ҳикоя ёки эртакни ўйлаб олиши учун берилади.
Бола ҳикояни сўзлаб бериш жараёнида, унинг фантазияси қай даражадалигини билиш учун қуйидагиларга эътибор берилади.
1. Хаёл жараёнининг тезлиги.
2. Образларнинг ўзига хослиги, оригиналлиги.
3. Фантазия (тасаввур)нинг бойлиги.
4. Образларнинг чуқур ишланганлиги.
5. Образларнинг ҳиссий - таъсирчанлиги.

Юқоридаги белгиларнинг ҳикояда акс этганлигига қараб, ҳар бири 0 баллдан 2 баллгача баҳоланади.

“Нутқий фантазия” методикаси учун баённома

1 -жадвал

№	Бола хаёлининг баҳоланаётган белгилари	Ушбу белгиларнинг баллдаги баҳоси
		0	1	2
1.	Хаёл жараёнининг тезлиги
2.	Образнинг ўзига хослиги, оригиналлиги.
3.	Фантазиянинг бойлиги.
4.	Образларнинг чуқур ишланганлиги
5.	Образларнинг ҳиссий таъсирчанлиги

Бола ҳикояни сўзлаб бераётганида, тадқиқотчи юқоридаги жадвалга, ҳикояда мезондаги белгиларнинг намоён бўлишига қараб мос баллар билан белгилаб боради.

Ривожланиш даражаси ҳақида хулосалар.
10 - балл - жуда юқори
8-9 балл - юқори
4-7 балл - ўртача
2-3 - қуйи
0-1 балл - жуда паст