Збекистон республикаси олий ва ўрта махсус таълим вазирлиги

Фаннинг ўқув режадаги бошқа фанлар билан ўзаро боғлиқлиги
ва услубий жиҳатдан узвийлиги

Илмий тадқиқот методологияси (клиник эпидемиология: далилларга асосланган тиббиёт) фаннинг асосларини қўллаган холда - магистрлик диссертациясини бажариш, ёзиш ва оммавий ҳимояга олиб чиқишни ўргатади. Дастурни амалга ошириш ва етарли даражада билимга эга бўлиш учун магистратура мутахассисликлари ўқув режасида келтирилган умум методологик (соғлиқни сақлашда менежмент, тибий ёрдам сифатини бошқариш, педагогика ва психология, ахборот технологиялари, махсус фанларни ўқитиш) фанлардан етарли билим ва кўникмаларга эга бўлишлик талаб этилади.

Фаннинг илм-фан, ишлаб чиқариш ва соғлиқни сақлашдаги ўрни

Илмий тадкикот методологияси фанини - тиббиёт сохасининг магистрлари ва соғлиқни сақлаш ташкилотчилари, ташкилий – услубий бўлим ходимларини тайёрлашда катта ахамиятга эга. Соғлиқни сақлашда ушбу фани бошқа фанлар билан биргаликда соғлиқни сақлашни ташкил этиш, янада ривожлантириш бўйича магистрантларда зарурий билим, кўникма ва малакаларга эга бўлишни таъминлайди.

Фанни ўқитишда замонавий ахборот ва педагогик технологиялар

Магистрантлар илмий тадқиқот методоогияси фанини ўзлаштиришлари учун ўқитишнинг илғор ва замонавий усулларидан фойдаланиш, янги информацион-педагогик технологияларни тадбиқ қилиш муҳим ахамиятга эгадир. Фанни ўзлаштиришда дарслик, ўқув ва услубий қўлланмалар, маъруза матнлари, тарқатма материаллар, компъютер дастурлари, электрон материаллардан фойдаланилади. Маъруза ва амалий машғулотларда мос равишдаги илғор педагогик технологиялар қўлланилади (ақлий ҳужум, қора қути, ўргимчак ини, гуруҳли фикрлаш, кичик гурухлар ва х.к).

АСОСИЙ ҚИСМ
Фаннинг назарий машғулотлари мазмуни


Далилларга асосланган тиббиёт асослари.Клиник эпидемиология фанига кириш. Далилларга асосланган тиббиётга тариф, уни белгиловчи компонентлар. Далилларга асосланган тиббиётнинг пайдо бўлиш тарихи, ДАТнинг устивор томонлари . Клиник эпидемиологиянинг мақсади, предмети, асосий усулари ва услублари.