Ўзбекистон республикаси олий ва ўрта махсус таълим вазирлиги урганч давлат университети

9- мавзу: Раҳбар шахси психологияси.
Режа:
1.Бошқарув фаолиятида раҳбар шахси ва лидер шахсига оид психологик фазилат ва сифатлар.
2.Бошқарувда мулоқот усулининг афзал ва ўзига хос томонлари.
Таянч тушунчалар: мулоқот, лидер, ташкилотчилик, раҳбар шахси, талант, темперамент
Рахбар шахсининг темперамент хусусиятлари.Рахбар психик хусусиятининг барқарор булиши ҳамда темпераментининг ташқи ифодасини аниқрок; тасаввур этиш учун раҳбарларнинг мехнат фаолияти жараёнида намоён буладиган темперамент турларини куриб чиқамиз.Темперамент — инсоннинг мехнат фаолиятида унинг нерв тизими типларининг узига хос тарзда намоён булишидир. Бу шахсдаги нерв жараёнларининг кучи, мувозанати ва ҳаракатчанлигини намоён қилувчи индивидуал психологик хусусиятлардир. Шахсдаги қузгалиш ва тормозланиш жараёнлари бир-бири билан мувозанатлашган булиши лозим. Ташкилотчилик қобилияти - бу биринчидан, жамоани уюштира олиш, ва жамоани жипслаштира олиш: иккинчидан; ўзини шахсий ишини тўғри ташкил қила олиш қобилиятидир. Ўз ишини ташкил қила билиш деганда, унинг ўз ишини тўғри режалаштириб, уни назорат қила олиш назарда тутилади. Жамоа фаолиятини ва ўз фаолиятини режалаштириш қобилияти рахбар учун мухим бўлган талаблардан биридир.Мулоқотнинг муваффақиятли бўлишида шахснинг шаклланган сифатлари, фазилатларининг аҳамияти жуда катта. Жумладан, шахсда ижобий фазилатлар яхши шаклланган бўлса (хушмуомалалилиқ, камтарлик, инсонпарварлик, тўғри сўзлилиқ, виждонлилиқ кабилар) мулоқот жараёни ҳам яхши ўтади. Чунки шахслар бир-бирини тўғри тушунишлари учун, мулоқот муваффақиятли бўлиши учун улар самимий бўлишлари лозим. Самимийлик инсоннинг энг ажойиб фазилатларидан бири бўлиб, воқеа-ҳодисаларга оқилона муносабатда бўлиш, турли таъсирларга берилмасликдир. Самимийликнинг муҳим белгиси-бу юздаги хушмуомалалик ифодаси ва табассум. Самимийлик бизнинг кайфиятимизга ҳам боғлиқ, чунки кайфиятимиз яхши бўлса, самимийлик кўчаяди. Самимийлик кўрсатиш учун кишининг кўнгли тоза, оқкўнгил бўлиш лозим. Самимийлик фазилати айниқса раҳбарнинг ходимлари билан қиладиган мулоқотида муҳимдир. Агар раҳбар ходимлари билан самимий муносабатда бўлмаса уларнинг кайфияти тушиб, меҳнат унумдорлиги пасайиши мумкин. Айрим раҳбарлар қўл остидагилар билан қўпол, менсимасдан муносабатда бўлиб, буйруқ оҳангида автоқратик услубга асосланиб иш кўрадилар.
Эътиборингиз учун рахмат