Ўзбекистон республикаси олий ва ўрта махсус таълим вазирлиги урганч давлат университети «технология асослари» кафедраси

Ажралмайдиган бирикмаларни таъмирлаш

Ажралмайдиган бирикмаларга заклепкали, пайванд ва кавшарланган бирикмалар мисол бўлади.

Заклепкали бирикмаларда қуйидаги нуқсонлар учрайди; заклепкалар сусаяди, стержени эгилади, каллаги ейилади, тешиклари кенгаяди.
Заклепкали бирикмаларни ажратиш учун унинг каллаги зубило билан чопилади ва стержен бородок билан уриб чиқарилади ёки пармаланади. Бунинг учун каллакда унинг баландигига тенг тешик пармаланади. Каллак уриб синдирилади ва стержен бородок билан уриб чиқарилади.
Тешиклар қайта пармаланади, тешикка янги стержен ўрнатилади, деталлар зич ёпиштирилади. Стержен бир учи деталга зич ёпиштирлиб, иккинчи учи уриб ёйилади ва сўнгра каллакка тўгри шакл берилади.


Сирпаниш подшипникларини таъмирлаш

Нотўгри мойлаш, мойларга чанг, қум ва металл зарралари тушиши натижасида сирпаниш подшипникларининг шакли бузилади (оваллик, конус ёки бочкасимон шакл ҳосил бўлади), ишқ аланиш сиртларида тирналиш, ёриқлар ҳосил бўлиши ва мойлаш ариқчалари ейилиши мумкин.

Вал ва вкладиш орасидаги зазор қиймати ўзгариши мумкин.
Қуйидаги 12 - жадвалда вал ва вкладиш орасидаги зазорнинг тавсия қилинган ва рухсат этилган қийматлари келтирилган.
12 - жадвал

Номинал диаметр д, мм	Тавсия қилинган зазор т, мм	Рухсат этилган зазор р, мм
10 18 18 30 30 50	0,03 0,04 0,05	0,068 0,083 0,102

Ажралмайдиган подшипникларда зазор қиймати шуп билан ўлчанади. Ажраладиган подшипникларда вал ва подшипникнинг орасига 2 - 3 жойига қўргошин симлар қўйилади. Бунинг учун подшипник очилади, сим қўйиб йигилади. Қопқоқ гайкалари тортилганда симлар эзилади. Сим қалинлиги микрометр билан ўлчаниб, зазор аниқланади.

Ажралмайдиган подшипниклар таъмирланганда унинг тешиги силлиқланади, металл эритиб қўйилиб, силлиқланади ёки янги чўян, бронза втулкалар прессланади. Янги втулка юмшоқ прокладка орқали болга билан урилиб ёки пресс ёрдамида ўрнатилади.
Бунда ёъналтирувчи ҳалқалардан фойдаланиш мумкин. Баъзан ишни осонлаштириш учун детал қиздирилади.
Ажраладиган подшипникларда вкладиш ейилганда зазорни камайтириш мақсадида қопқоқ ва подшипниклар орасидаги компенсаторлар олиб ташланиб, болтлар тортилади. Зазорни камайтириш имкони бўлмаса, баббит вкладиш қўйилади, бронза вкладишлар янгисига алмаштирилади.
Подшипниклар таъмирланганда мойлаш тешиклари ва ариқчалар яхшилаб тозаланади. ўрнатишдан олдин подшипник тортилиб, юпқа мойланади.