Ўзбекистон республикаси олий ва ўрта махсус таълим вазирлиги урганч давлат университети «технология асослари» кафедраси

Занжирли узатмаларни таъмирлаш

Занжирли узатмалар деталлари - занжир ва юлдузчалар ейилишининг асосий сабаблари юлдузчалар ўқлари параллелигининг бузилиши, занжирнинг салқи ёки ортиқча таранглиги, занжир ва юлдузчалар қадамларининг ҳар хиллиги, юқори температура ва сифациз мойлашлар бўлиши мумкин. Занжир таранглиги сусайганда тишлар учи илашиб, занжир чўзилади, юлдузчадан сакраб чиқади, узатма шовқин ва силтанишлар билан ишлайди, натижада занжир узилиши ёки тишлар синиши мумкин.

Занжир ейилиши, чўзилиши натижасида унинг қадамининг ортиши билан характерланади ва қадам бошлангич ўлчамига нисбатан фоизларда ифодаланади.
Қулайлик ва юқори аниқлик учун 50 та звено узунлигидаги занжир бўлаги узунлиги ўлчанади. Бунинг учун занжир вертикал ҳолда осилади ва пастки учига юк маҳкамланади. Втулкали роликли занжирлар учун қадамнинг рухсат этилган ортиши қуйидагича.
Катта юлдузчадаги 15 30 35 40 45 50 60 70 80 90
тишлар сони.
Занжир қадамининг рухсат 6,4 5,3 4,6 4,0 3,5 3,2 2,6 2,3 2,0 1,7
этилган ортиши,%
Масалан: Катта юлдузчаси тишлари сони 80 та бўлган янги занжир 50 та звеноси узунлиги л = 476,3 мм., қадами т = 9,525 мм., эскирган занжир узунлиги л₁= 490 мм. ни ташкил қилади. Ушбу занжирнинг фойдаланишга яроқлилиги текширилсин.Занжир қадамининг ўртача нисбий узайишини аниқлаймиз.

Демак, ушбу занжир яроқсиз экан.

Занжирли узатмани таъмирлашда ейилган юлдузча ва занжир янгисига алмаштирилади. Янги занжир ва юлдузча қадами бир хил бўлиши лозим. Акс ҳолда занжир узилиши ёки юлдузча тиши синиши мумкин. Занжирни ўрнатишдан олдин звеноларни текшириш мақсадида унинг ҳар бир шарнири қўлда эгиб кўрилади. Сўнгра занжир керосинда ювилади артилади, 1 соат давомида иссиқ мойда қайнатилади, юлдузча кийдирилиб, бириктирувчи звено бириктирилади. Занжирларни УС-1 ва УТ-1 типидаги мойлар билан мойланади. Занжирнинг осилиш даражаси занжирнинг етакчи тармогига чизгични қўйиш йўли билан аниқланади. ( 44-расм). Бунда занжир ўқлараро масофанинг 2 % га тенг қисмига, яъни 1 м. узунликка 2 см.га осилиши мумкин. Акс ҳолда, ортиқча таранглик ёки салқиликда ўқлараро масофа росталанади.