Ўзбекистон республикаси олий ва ўрта махсус таълим вазирлиги тошкент вилояти чирчиқ давлат педагогика институти махсус сиртқи бўлими

Мавзу: Ўргатиш босқичларининг асосий йўналиш
ва хусусияти
Режа:
Кириш
1) Дастлабки ўргатиш босқичи.
2) Чуқурлаштирилган ўргатиш босқичи ва босқичининг мақсади.
3) Ҳаракатларни мустаҳкамлаш ва янада такомиллаштириш босқичи.
Хулоса
Фойдаланилган адабиётлар


КИРИШ
Ўзбекистон Республикасининг “Таълим тўғрисида” ги қонун ҳамда «Кадрлар тайёрлаш миллий дастури»да ҳам ёш авлодни жисмонан бақувват қилиб тарбиялашда чуқур ва мустахкам билим беришда миллий анъаналардан фойдаланишга катта эътибор берилмоқда. Шундай экан жисмоний таълим жараёнида ҳам миллий анъаналардан фойдаланишни такомиллаштириш бугунги куннинг долзарб муаммоси бўлиб хисобланади.
Жисмоний маданият ва спорт таълимини такомиллаштиришда давлатимизнинг етакчи мутахассис олимлари самарали меҳнат қилдилар. Уларнинг илмий тадқиқот ишлари асосида соҳага доир дарсликлар, ўқув қўлланмалар, монографиялар, методик қўлланмалар ишлаб чиқилди. Улар, кадрлар тайёрлаш, аҳолини соғломлаштириш, спорт маҳоратини ошириш жараёнини такомиллаштиришда, республикада таълим-тарбия беришда хизмат қилмоқда. Шундай бўлсада жисмоний таълим жараёнини миллий анъаналар воситасида такомиллаштиришнинг янги шакл ва методлари, усуллари ишлаб чиқилмаган.
Охирги йилларда республикамизда энг асосий, мухим вазифаларидан бири оммавий спортни ривожлантириш масаласи турибди. Мустақил Ўзбекистоннинг маънавий соғлом авлодларни, бўлажак ватанпарварни тарбиялаш вазифаси пировард ўқитувчилар, мутахассислар зиммасига тушади.
Ўргатиш босқичларининг асосий йўналиш ва хусусияти.
Айрим ҳаракат фаолиятига ўргатиш жараёнида қуйидаги босқичлар фарқ қилади:
1. Дастлабки ўргатиш - бу ўргатиш жараёнида ҳаракатнинг асосий кўринишида ва умумий ҳаракатларда ҳаракат кўникмалари ҳосил бўлади.
2. Чуқурлаштирилган ўргатиш натижасида ҳаракат кўникмаси зарур даражада аниқ бажаради, айрим оддий ҳаракатларда малака ҳосил бўлади.
3. Ҳаракатларни мустаҳкамлаш ва кейинги такомиллашувҳаракатлар малакасини пайдо бўлиши билан шунингдек, унинг турли шароитда турланиши билан фарқ қилинади.