Ўзбекистон республикаси олий ва ўрта махсус таълим вазирлиги тошкент давлат иқтисодиёт университети ж. Ж. Жалолов, И. А. Ахмедов, С. Н. Абдураҳимов

Париж клуби— ривожланаётган мамлакатларнинг икки томонлама давлат қарзларини реструктуризациялаш билан шуғулланадиган ҳукумат кредитлари гуруҳи.
Пассив савдо баланси — мамлакат импортининг экспортдан ошиб кетиши.
Пассивлар — фирма ёки юридик шахсга қўйилган талаб.
Патент битиами — халқаро савдо бити­ми, унга кўра патент эгаси ихтиродан фойдаланишга оид ўз ҳуқуқларини патент харидорига беради.
Портфелни бошқариш — мол-мулкдан иложи борича кўп фойда олишга эришиш мақсадида иқтисодий агентнинг актив ва пассивларини бошқариш.
Портфель — иқтисодий агент активларининг мажмуи.
Портфель инвестициялари — маҳаллий валютада тўланадиган, хорижда акциялар, облигациялар ва бошқа қимматли қоғозларни харид қилишга доир молиявий операция. Портфель инвестициялари хатар даражасини сармояли диверсификациялаш ҳисобига пасайтиради, лекин инвесторга харид қилинган мулк устидан амалдаги назоратни бермайди.
Преференциaл тaртиб – бир дaвлaтдaн иккинчи дaвлaтгa берилaдигaн, aммo учинчи дaвлaтгa жoрий этилмaйдигaн aлoҳидa имтиёзли вa интизoмли тaртиб. Кўпинчa четдaн келтирилгaн тoвaрлaргa қўйилaдигaн бoжлaрни кaмaйтириш, тaшқи сaвдo муoмaлaлaрини имтиёзли кредитлaш ҳамдa суғуртa қилиш, мaxсус вaлютa тaртиби, мoлиявий вa теxник ёрдaм кўрсaтишдaн ибoрaт бўлaди.
Приватизация (хусусийлаштириш) - давлат мулкини, иқтисодиётдаги давлат секторини хусусийлаштириш. При­ватизация давлат мулки монополиясини тугатиш, эркин тадбиркорлик ташаббусига йўл очиш, бозор иқтисодиётини рағбатлантириш мақсадида амалга оширилади.
Протекционизм - давлатнинг миллий иқтисодиётни чет эл рақобатидан, ички бозорни чет эл товарларининг кириб келишидан ҳимоя қилишга қаратилган иқтисодий сиёсати. Протекционизм экспортни рағбатлантириш, импортни чеклаш ҳамда импорт моллардан бож ҳақларини ошириш ва шунга ўхшаш бошқа тадбирларда ўз ифодасини топади.
Пул — муомала воситаси ҳисобварақ бирлиги ва жамғариш воситаси бўлиб хизмат қиладиган активлар, тўловнинг ижтимоий воситалари. Пул - ҳамма товарлар ва хизматлар айирбошланадиган, умумий эквивалент бўлмиш махсус товар, бозор иқтисодиётининг энг асосий воситаси. Пул ўзида бозор иқтисодиёти муносабатларини гавдалантиради ва унинг маҳсулидир. Бозор иқтисодиёти ривожланиши билан пулнинг аҳамияти ортади. Пул ўз табиатига кўра уч хил хусусиятга эга: ҳамма нарса айирбошланадиган мухим харид воситаси; бойлик тимсоли; меҳнатни қиймат шаклида ўлчаб берадиган восита.
Пул қадри — пулнинг товар ва хизматларни харид этиш, чет эл валюталарига алмаша олиш қобилияти. Пул кадри мамлакат ичида ва чет элда товарлар ва хизматлар билан таъминланади, у мамлакатнинг ўз қарзини тўлашга қодирлиги ва мамлакатнинг олтин ва бошқа қимматбаҳо ресурслари захирасига боғлиқ. Олтин ва қимматбаҳо ресурслар пул қадрини бевосита эмас, балки билвосита таъминлайди, яъни уларни четга сотиш ва шу асосда четдан товарлар келтириш билан мамлакат ичида пул қадри мустаҳкамланади. Пул қанчалик қадрли, қувватга эга бўлса, у шу қадар бошқа валютага эркин алмаштирилади, унинг валюта курси шу қадар юқори бўлади. Пул қадри мамлакат иқтисодий аҳволининг умумлашган кўрсаткичидир.
Пул массаси — муомалага чиқарилган металл тангалар ва қоғоз пулларнинг жами миқдори. Хўжалик муомаласидаги пул воситаларининг умумий ҳажмига нақд пуллардан ташқари банкларнинг жорий ҳисобидаги пул воситалари ҳам киради.