Ўзбeкистон рeспубликаси олий ва ўрта махсус таълим вазирлиги тошкент кимё-технология институти

Жами

2

ГРАФИК ОРГАНАЙЗЕРЛАР
График органайзерлар маъруза, амалий ва мустақил таълим машғулотларида талабалар ўқув материалларини самарали ўзлаштиришлари учун жорий этилади. Қуйида уларнинг баъзилари келтирилган.
1) БББ жадвали. Барча маъруза дарсларида қўлланилади. БББ усули (“биламан”, “билишни хоҳлайман”, “билиб олдим”) орқали талаба ўзини кузатиши, ўқитувчи эса дарсга баҳо бериши мумкин. Талаба дарс бошида мавзу бўйича нимани билишини (Б1) ва яна нималарни билишни хоҳлашини (Б2) дафтарига ёзиб қўяди. Дарс сўнгида нималарни билиб олганлигини (Б3) қайд қилиб қўяди.
2) Insert усули. Бу усул матнни ўзлаштиришда қўлланилади. Талаба саҳифа ҳошиясига ўз белгиларини қўйиб уларга муносабат билдиради. Масалан: “V” – зарур; “–“ - хато; “+” - янги; “!” – эътибор қилинг; “х” - ортиқча; “*” - кўчириш керак; “?” – тушунарсиз ва ҳ.к.
3) Кластер схемаси

Бу усул фикрни эркин баён қилиш учун қўлланилади. Масалан, талаба ўтилган мавзу бўйича кластер тузиши мумкин. Ўртага калит сўз, тармоқларга унга боғлиқ бошқа атамалар ёзилади. Улар ҳам ўз навбатида тармоқларга ажралиши мумкин.

4) Венн диаграммаси

Ўрганилаётган объектларни таққослаш, ўхшаш ва фарқли жиҳатларини топиш, таҳлил қилиш учун қўлланилади. Диаграммадаги доирачалар алоҳида объектни, кесишмалар эса уларнинг ўхшаш ва боғлиқ жиҳатларини билдиради. Талабадан объектларнинг алоҳида (1-3), ўзаро боғлиқ (4-6) ва умумий (7) жиҳатларини ёзма ифодалаб бериш талаб этилади.