Ўзбекистон Республикаси олий ва ўрта махсус таълим Вазирлиги Тошкент Давлат И

5.5. Мослашувчан корпоратив маданият.
Бозорда рўй бериб турувчи мунтазам ўзгаришлар шароитларида янги ишлаб чиқариш усулларини тезлик билан жорий қилиш вас тратегияни алмаштириш компанияларнинг узоқ вақт мобайнида эгаллаб турган еткачилик ўринларини сақдаб қолишнинг муҳим шарти ҳисобланади. Бироқ бунинг учун компаниянинг янги бозор шароитларига мослашишига ёрдам берувчи корпоратив маданият талаб қилинади.
Мослашувчан маданиятнинг иккита ўзига хос жиҳати мавжуд.
1. Доимий бизнес тамойилларига ва ташкилотнинг ҳақиқий капитали- истеъмолчилар, компания ходимлари, акциядорлар, таъминотчиларга муайян стратегия ёки ишбилармонлик амалиётига нисбатан кўпроқ эътибор қаратувчи раҳбариятнинг мавжудлиги;
2. Зарур ҳолларда акциядорлар манфаатларини қондириш мақсадида таваккалчилик қилиш, тажриба ўтказиш, янгилик киритиш, стратегияни ўзгартиришга қодир менеджерларнинг мавжудлиги.
Мослашувчан маданият шароитларида барча фирма аъзолари компания раҳбарияти фирмага фойда келтирувчи ҳар қандай имкониятдан фойдалана олишига ишончи комил бўлади.
Бунда улар ўзларини компания қабул қилувчи барча қарорларга алоқадор ҳисоблайди ва фирманинг гуллаб-яшнашини таъминлаш учун қўлидан келадиган барча ишни қилишга ҳаракат қилади. Менеджерлар одатда компания ходиларидан келиб тушувчи барча таклифларни қабул қилиб, янги ғояларни очиқ муҳокама қиладилар ва компаниянинг янги рақобатли афзалликларини яратиш бўйича таваккалчиликни ўз зиммаларига оладилар. Тадбиркорлик рағбатлантирилади ва мукофотланади. Стратегиялар ва анъанавий фаолият юритиш усулларига бозор тез ўзгарувчан шароитларга мослаштириш учун зарур ўзгаришлар киритилади. Мослашувчан маданиятли компания раҳбарияти бу ўзгаришларни улар ҳақиқатдан ҳам зарур бўлган ҳоллардагина, бизнес юритишнинг асосий тамойилларгиа амал қилган ҳолда киритади. Мослашувчан маданият янги ва фойдали ғояларни ривожлантиришга қодир менеджер ва ходимларни хизмат пиллапоясидан олға қадам ташлашларига хизмат қилади.
Мослашувчан корпоратив мадания стратегини амалга оширишда раҳбариятнинг энг ишончли ҳамкори ҳисобланади.
Мослашувчан маданият шароитларида компания раҳбарияти фирма фаолиятининг барча иштирокчилари – истеъмолчилар, ходимлар, акциядорлар, таъминотчилар ҳақида ғамхўрлик қилади ва иложи борича уларнинг эҳтиёжларини тўлиқ қондиришга аракат қилади. Иштирокчиларнинг ҳес қайси тоифаси эсдан чиқарилмаслиги керак; бундай барча учун адолатли муносабат қарор қабул қилишнинг энг асосий тамойилларидан ҳисобланади.
Корпоратив маданият мослашувчанлиги учун юқори бўлмаган компанияларда ўзгаришларга қаршилик қилиш норма бўлиб қолаверади ва менеджерлар кўпинча консерватив усулни маъқул кўрадилар. Улар кўпинча фақат ўз бўлинмалари манфаатларин ҳимоя қиладилар, турли хил рисклардан ўзларини олиб қочадилар ва анъанавий иш усулларини афзал кўрадилар.