Ўзбекистон республикаси олий ва ўрта махсус таълим вазирлиги тошкент давлат иқтисодиёт

8.1.3. Таҳлилий амалларни бажарилиш натижалари бўйича
аудиторнинг ҳаракати
Аудитор томонидан хўжалик юритувчи субъект молиявий ҳисобот 
кўрсаткичларидаги ғайриоддий тафовутларнинг аниқланиши таҳлилий 
амаллар бажарилишининг натижаси ҳисобланади. 
Аудитор томонидан, бошқа манбалардан олинган далиллар билан 
тасдиқланмайдиган, ғайриоддий тафовутларнинг аниқланиш ҳолатларида, у 

---

155 
ўтказилган таҳлилий амалларнинг объективлиги ва ишончлилигига шахсан 
ишонч ҳосил қилиш учун уларни синчиклаб текшириб чиқиши лозим. 
Текшириш жараёни хўжалик юритувчи субъект раҳбариятини сўров 
қилишдан бошланиши керак. Жавоблар аудиторлик далиллари билан ёки 
аудиторнинг хўжалик юритувчи субъект фаолияти тўғрисидаги билими 
билан тасдиқланиши лозим. Аудитор, раҳбарият сўрови натижаларига 
асосланган, бошқа аудиторлик амалларини ўтказиш имкониятларини ҳам 
кўриб чиқиши лозим. 
Ғайриоддий тафовутлар миқдорини таҳлил этишда, аудитор, меъёрий 
ҳужжатларга асосланган мезонлардан фойдаланади. Агар ғайриоддий 
тафовутлар аудитор томонидан мақбул деб топилган даражадан ошиб кетса, 
бу ҳолда тафовут миқдори текширилиши керак. Бу миқдорни мутлақ 
қийматларда акс эттириш қийин бўлган ҳолларда аудитор фоизларда акс 
эттирилган миқдорлардан фойдаланади. 
Ғайриоддий тафовутларни таҳлил қилиш натижаларини, шунингдек, 
режалаштириш ва таҳлилий амалларнинг бажариш натижаларини аудитор 
текширув ўтказиш бўйича иш ҳужжатларида акс эттириши лозим. 
Таҳлилий амалларнинг натижаларини қуйидаги ҳолларда қўллаш лозим: 
Аудиторлик хулосасини тузишда зарур бўладиган аудиторлик 
далилларини олиш учун; 
Аудитни ўтказиш натижалари бўйича иқтисодий субъект раҳбариятига 
аудиторнинг ёзма ахборотини тайёрлаш учун. 
 
8.2. Аудиторлик танлаш