Ўзбекистон республикаси олий ва ўрта махсус таълим вазирлиги тошкент давлат иқтисодиёт

СТАНДАРТЛАРИГА ҚЎЙИЛАДИГАН ТАЛАБЛАР 
14.1. Аудиторлик ташкилотларининг ички стандартларига
қўйиладиган талаблар
 
Мазкур Аудиторлик фаолиятининг миллий стандарти (4-сон АФМС) 
Ўзбекистон Республикасининг "Аудиторлик фаолияти тўғрисида"ги қонуни 
(Ўзбекистон Республикаси Олий Мажлисининг Ахборотномаси, 2000 йил, 5-
6-сон, 149-модда), Ўзбекистон Республикаси Вазирлар Маҳкамасининг 2000 
йил 22 сентябрдаги "Аудиторлик фаолиятини такомиллаштириш ва 
аудиторлик текширишлари ролини ошириш тўғрисида" 365-сон қарори, 
Ўзбекистон Республикаси Президентининг 2006 йил 1 февралдаги 
аудиторлик ташкилотлари томонидан лицензия талаблари ва шартларига 
риоя этилишини текшириш ҳамда аудиторлик фаолиятини тубдан 
такомиллаштириш юзасидан таклифлар тайёрлаш бўйича комиссия тузиш 
тўғрисида Ф-2435-сон фармойишига мувофиқ аудиторлик ташкилотларининг 
ички стандартларига қўйиладиган талабларни белгилайди. 
14.2. Аудиторлик ташкилоти ички стандартларининг вазифаси ва 
уларни тайёрлаш тамойиллари, шакли ва мазмуни 
Аудиторлик ташкилотининг ички стандартлари деганда аудиторлик 
ташкилоти аудиторлик текширишини ўтказишнинг самарадорлигини ва 
унинг Ўзбекистон Республикасининг Аудиторлик фаолияти миллий 
стандартлари талабларига мувофиқлигини таъминлаш мақсадида қабул 
қилган ҳамда тасдиқлаган, аудитни амалга ошириш ва расмийлаштиришга 
доир ягона талабларни белгилайдиган ҳужжатлар тушунилади. 
Аудиторлик ташкилоти Ўзбекистон Республикаси Аудиторлик фаолияти 
миллий стандартларининг аудиторлик текширишини ташкил этиш ва 
ўтказишга доир талабларини ҳисобга олган ҳолда унинг ўтказилаётган 
аудиторлик текширишларига ҳамда тузилаётган аудиторлик ҳисоботлари ва 
хулосаларига ўз ёндашувини акс эттирадиган ички стандартлар пакетини 
шакллантириши керак. 

---

247 
Аудиторлик ташкилотларининг ички стандартлари ўз вазифасига кўра 
қуйидаги гуруҳларга бўлиниши мумкин: 
а) аудиторлик текшириши бўйича умумий қоидаларни ўз ичига олган 
стандартлар; 
б) аудиторлик текширишини ўтказиш тартибини белгилайдиган 
стандартлар; 
в) аудиторларнинг 
хулосаларини 
шакллантириш 
тартибини 
белгилайдиган стандартлар; 
г) ихтисослашган стандартлар; 
д) касбий хизматлар кўрсатиш тартибини белгилайдиган стандартлар; 
е) кадрлар таълими ва тайёрланиши бўйича стандартлар ва бошқалар. 
Аудиторлик текшириши бўйича умумий қоидаларни ўз ичига олган ички 
стандартлар аудиторлик текширишини ўтказишнинг асосий тамойилларига 
мувофиқ аудиторлар ўртасидаги, шунингдек аудиторлик ташкилотининг 
ходимлари билан раҳбарияти ўртасидаги ўзаро муносабатларни тартибга 
солиш учун мўлжалланган.