Ўзбекистон республикаси олий ва ўрта махсус таълим вазирлиги тошкент ирригация ва қишлоқ ХЎжалигини механизациялаш муҳандислари институти

Фан бўйича талабаларнинг билимига, ўқувига ва кўникмаларига қўйиладиган талаблар

«Гидротехникага кириш» ўқув фанини ўзлаштириш жараёнида амалга ошириладиган масалалар доирасида бакалавр:

• 
  гидротехника иншоотлари лойиҳаси, қурилишини ҳисоблаш методикасини;
  
• 
  гидротехника иншоотларини замонавий лойиҳалаш, қайта қуриш ва қуриш усулларини;
  
• 
  каналларда иншоотларни лойиҳалаш ва қуриш усулларини баҳолаш;
  
• 
  сув олиш иншоотларини лойиҳалаш ва қуриш усулларини баҳолаш;
  
• 
  сув омбори гидроузелларини лойиҳалаш ва қуриш усулларини баҳолашни билиши керак;
  

• 
  гидротехник иншоотларни танлашда техник–иқтисодий таққослаш;
  
• 
  гидротехника иншоотларини лойиҳалаш ва қуриш;
  
• 
  каналларда иншоотларни лойиҳалаш ва қуриш;
  
• 
  сув олиш иншоотларини лойиҳалаш ва қуриш;
  
• 
  сув омбори гидроузелларини лойиҳалаш ва қуриш бўйича кўникмаларга эга бўлиши керак.
  

Фаннинг ўқув режадаги бошқа фанлар билан ўзаро боғлиқлиги ва услубий жиҳатдан узвий кетма-кетлиги

Гидротехникага кириш фани ўқув режасига киритилган чизма геометрия ва инженерлик графикаси, инженерлик геодезияси, геология ва гидрогеология, гидрология ва оқимни ростлаш ва бошқа фанлар билан боғлиқ холда ўрганилиб, бу фанлардан етарли билим ва кўникмаларига эга бўлиши талаб этилади.

Фаннинг ишлаб чиқаришдаги ўрни

Гидротехникага кириш фани мавжуд ва замонавий гидротехника иншоотларининг лойиҳаси ва уларнинг вазифаларини ўргатади. Шунинг учун ҳам ушбу фан асосий ихтисослик фан ҳисобланиб, ишлаб чиқаришнинг ажралмас бўғинидир.

Фанни ўқитишдан замонавий ахборот ва педагогик технологиялар

Талабаларнинг «Гидротехникага кириш» фанини ўзлаштиришлари учун ўқитишнинг илғор ва замонавий усулларидан фойдаланиш, янги информацион-педагогик технологияларни тадбиқ қилиш муҳим аҳамиятга эгадир. Фанни ўзлаштиришда дарслик, ўқув ва услубий қўлланмалар, маъруза матнлари, тарқатма материаллари, электрон материаллар, виртуал стендлар ҳамда ишчи ҳолатдаги гидротехника иншоотларининг намуналари ва макетларидан фойдаланилади. Маъруза ва амалий машғулотларида мос равишда илғор педагогик технологиялардан фойдаланилади.