Збекистон республикаси олий ва ўрта махсус таълим вазирлиги тошкент Давлат аграр университети

СЎЗ БОШИ
1.1. Фаннинг мақсади ва вазифалари
Фаннинг мақсади -ўсимликларнинг биологик хусусиятлари ва тупроқ-иқлим шароитларини ҳисобга олган ҳолда ўғитлардан оқилона фойдаланиш асосида қишлоқ хўжалик экинларидан мўл ва сифатли ҳосил етиштириш усулларини яратиш.
Фаннинг вазифаси- экинлардан мўл ва сифатли ҳосил етиштиришни бевосита суғориладиган деҳқончилик шароитида амалга оширишни ўрганиш; ўғитлардан самарали фойдаланиш; экинларнинг ўсиши, ривожланиши ва ҳосилдорлигини бошқариш; атроф-муҳитни кимёвий моддалар билан ифлосланишининг олдини олиш муаммоларини ҳал этиш.


1.2.Фан бўйича талабаларнинг билимига, уқувига ва кўникмаларига ДТСга мувофиқ қўйилган талаблар:
Бакалавр:

• 
  ўсимликларнинг илдиздан озиқланишининг назарий асослари
  ва ўғитлардан тўғри фойдаланишда тупроқнинг роли;
  
• 
  озиқ моддаларнинг деҳқончиликда айланиши ва
  агрокимёнинг экологик муаммолари тўғрисида тасаввурга эга бўлиши керак;
  
• 
  минерал ва маҳаллий ўғитларнинг тури ва хоссаларини;
  
• 
  ўсимликлар озиқланишини тупроқ ва ўсимлик ташхиси
  асосида аниқлаш;
  
• 
  асосий экинларни ўғитлаш тизимини билиши;
  
• 
  ўғитларни сақлаш, ташиш, тупроққа солиш учун тайёрлашни
  билиши ва қўллай олиши керак.
  
• 
  ўғитга бўлган талабни ҳисоблаш;
  
• 
  асосий ўғит турларини фарқлаш;
  
• 
  ўғитларни экинларга қўллаш юзасидан кўникмаларга эга бўлиши керак.
  

1.3. Ўқув режасидаги бошқа фанлар билан алоқаси
Фан микробиология, деҳқончилик, пахтачилик, селекция ва уруғчилик, энтомология, чорвачилик, математика, физика, кимё, иқтисодиёт, информатика каби фанлар билан боғлиқ.
1.4. Фанни ўқитишдаги янги технологиялар
Ўқитишда компьютер, ахборотлар технологияси, ўқитишнинг анъанавий ва илғор услубларидан фойдаланилади; талабаларнинг билими тест ва тезкор сўровлар, коллоквиумлар асосида баҳоланади, маъруза матнлари ва иш дафтарларидан ҳамда техник воситалардан кенг фойдаланилади.