Ўзбекистон республикаси олий ва ўрта махсус таълим вазирлиги тошкент давлат транспорт университети

Курс лойиҳасини бажаришни ташкил қилиш
Курс лойиҳасини бажариш учун керак бўлган дастлабки топшириқ маълумотларни талаба ўқитувчидан олади. Бу маълумотлар махсус топшириқ варақасига ёзилади, ўқитувчи томонидан имзоланади ва кафедра мудири тасдиқлайди. Топшириқ билан бирга асосий адабиётлар кўрсатилади, бундан ташқари ўқитувчи маслаҳат (консультация) жараёнида қўшимча қўлланмалар ва адабиётлар тавсия этиши мумкин. Бажарилган курс лойиҳаси талаба томонидан ҳимоя қилиниб ўқитувчига топширилади ва унга тегишли баҳо қўйилади. Курс иши тўла бажарилгандан сўнг якуний назоратдан олдин кафедрада ҳимоя қилинади.


Курс лойиҳасини расмийлаштириш тартиби
Курс лойиҳаси тушунтириш хати ва график чизма қисмларидан иборатдир.Тушунтириш хати ҳажми 20-25 бет бўлиб, унда чизмалар, жадваллар, расмлар ҳам келтирилади. Тушунтириш хати А4 формат қоғозда ёзилади. Хат матни аниқ ва тушунарли қилиб ёзилади. Расм ва чизма қора қалам ёки туш сиёҳ ёрдамида бажарилган бўлиши керак. А4 форматни ўлчамлари: чап томони – 20 мм, қолганлари 5 мм. Матн боб ва бўлимларга бўлиниши мумкин ва улар араб рақами билан ёзилади.
Ҳар бир келтирилган формуладаги қийматлар ва бирликлар меъёрий талабларга мувофиқ ёзилади ва тушунтирилади.
Адабиётлар рўйхатида курс лойиҳасини бажаришда фойдаланилган барча адабиётлар келтирилади ва уларни кетма-кетлиги матнда белгиланган кетма-кетлигига мос келиши лозим. Адабиёт рақами адабиёт рўйхатидаги рақам билан тўғри ёзилади ва қуйидаги ҳолатда матнда келтирилади – [3]. Лойиҳанинг график қисми барча техник чизма қоидалари асосида А2 форматли қоғозда бажарилиб топширилади.
Биринчи чизмада технологик схема, иккинчида эса шиналарни қайта ишлаш жараёнида зарур бўлган элементдан бири келтирилади (ўқитувчи танлаб берган, ёки унинг топшириғи бўйича).

Лойиҳанинг ҳисоб-китоб тушунтириш хатининг мундарижаси
Ҳисоб-китоб тушунтириш хати қуйидаги бўлимлардан иборат бўлиши керак:

1. 
   Мундарижа – 1 бет
   
2. 
   Кириш – 1 бет
   
3. 
   Ҳисоб-китоб қисми – 15-18 бет
   

3.1.Покришкаларни қайта ишлаш қурилмасининг технологик чизмаси
3.2.Технологик линиянинг ҳисоб-китоби
3.3.Қурилмадан олинган алоҳида қисмнинг ҳисоб-китоби (ўқитувчи топшириғи бўйича)
3.4.Ишлаб чиқариш лойиҳасини экологик баҳолаш

4. 
   Хулоса – 1-2 бет
   
5. 
   Адабиётлар рўйхати – 1 бет