Ўзбекистон республикаси олий ва ўрта махсус таълим вазирлиги тошкент молия институти “молиявий менежмент” факультети

ЎЗБЕКИСТОН РЕСПУБЛИКАСИ ОЛИЙ ВА ЎРТА МАХСУС ТАЪЛИМ ВАЗИРЛИГИ ТОШКЕНТ МОЛИЯ ИНСТИТУТИ ИНСТИТУТДА БИТИРУВ МАЛАКАВИЙ ИШЛАРИНИ БАЖАРИШ ВА УЛАРНИНГ ҲИМОЯСИ БЎЙИЧА ЯКУНИЙ ДАВЛАТ АТТЕСТАЦИЯСИНИ ЎТКАЗИШ ТАРТИБИ ТЎҒРИСИДАГИ Н И З О М ЎЗБЕКИСТОН РЕСПУБЛИКАСИ ОЛИЙ ВА ЎРТА МАХСУС ТАЪЛИМ ВАЗИРИНИНГ 2010 ЙИЛ 9 ИЮНДАГИ 225-СОНЛИ БУЙРУҒИГА АСОСАН ИШЛАБ ЧИҚИЛДИ ИНСТИТУТ КЕНГАШИДА МУҲОКАМА ЭТИЛГАН ВА ТАВСИЯ ҚИЛИНГАН (7-сонли қарор баёни, 2013 йил 26 январь) 2013 йил 28 январдан кучга киритилди ТОШКЕНТ-2013

ИНСТИТУТДА БИТИРУВ МАЛАКАВИЙ ИШЛАРИНИ БАЖАРИШ ВА УЛАРНИНГ ҲИМОЯСИ БЎЙИЧА ЯКУНИЙ ДАВЛАТ АТТЕСТАЦИЯСИНИ ЎТКАЗИШ ТАРТИБИ ТЎҒРИСИДАГИ
Н И З О М

Мазкур Низом Ўзбекистон Республикасининг Олий таълимга оид меъёрий-ҳуқуқий ҳужжатлари, институтда тайёрланаётган таълим йўналишларининг Давлат Таълим Стандарт(ДТС)лари, ўқув режалари ҳамда Олий ва ўрта махсус таълим вазирлигининг 1998 йил 31 декабрдаги 362-сонли буйруғи билан тасдиқланган “Ўзбекистон Республикаси Олий ўқув юртлари битирувчиларининг Давлат Аттестацияси тўғрисида”ги Низомга, Олий ва ўрта махсус таълим вазирлиги томонидан 2003 йил 9 январда тасдиқланган “Олий таълим тўғрисидаги Низом”нинг VI бўлим, 35-банди ҳамда 2009 йил 1 июндаги “Олий таълим муассасаларида Якуний Давлат аттестациясини ташкил этилганлик ҳолатини ўрганиш тўғрисида”ги 179-сонли буйруғида белгиланган тартиб ва қоидаларга, шунингдек, 2010 йил 9 июндаги 225-сонли буйруғи билан тасдиқланган “Олий ўқув юртларида бакалавр битирув малакавий ишини бажаришга қўйиладиган талаблар”га асосан ишлаб чиқилган бўлиб, институтда битирув малакавий ишларни бажариш ва уларнинг ҳимояси бўйича якуний давлат аттестациясини ўтказиш тартибини белгилайди.

I БОБ. УМУМИЙ ҚОИДАЛАР

Институтда битирув малакавий иш(кейинги ўринларда БМИ)ларни бажариш, расмийлаштириш ҳамда уларнинг ҳимояси бўйича якуний давлат аттестацияси ўтказиш тартиби ушбу “Низом” талабларига асосан белгиланади.
БМИлар ҳимояси бўйича якуний давлат аттестацияси (кейинги ўринларда ЯДА) комиссияси ўз фаолиятини мазкур “Низом”га, олий таълимнинг меъёрий ҳужжатларига ва бакалавриат таълим йўналишлари бўйича битирувчиларнинг тайёргарлик даражасига ҳамда давлат талабларининг минимум мазмунини бажаришга йўналтирилган бошқа ҳужжатларга таянган ҳолда олиб боради.
Бакалавриат таълим йўналишларида БМИларни бажариш ва уларнинг ҳимояси бўйича ЯДА олий таълимнинг Давлат таълим стандартлари ва ўқув режаларида белгиланган талабларга асосан ўтказилади ва унинг натижасига мувофиқ давлат намунасидаги диплом бериш билан якунланади.