Ўзбекистон республикаси олий ва ўрта махсус таълим вазирлиги тошкент молия институти “молиявий менежмент” факультети

БМИни сўнгги ҳимояга асос бўладиган ва тавсия этиладиган ҳужжатлари
- белгиланган тартибда тайёрланган ва расмийлаштирилган БМИнинг қаттиқ жилдда муқоваланган асл нусхаси;
- БМИнинг СД дискдаги электрон шакли (жилдга бириктирилган конверт ичига солинган ҳолда);
- илмий раҳбарнинг тақризи;
- муҳр ва имзо билан тасдиқланган ҳолда ташқи тақриз;
- битирув малакавий иш топшириғи, бажариш жадвали билан бирга;
- дастлабки ҳимоя натижалари бўйича кафедра мажлиси баённомасидан кўчирма.


Битирув малакавий ишининг ҳажми ва унда ҳавола (сноска)ларнинг келтирилиши
БМИ қоида тариқасида, стандарт варақда 1,5 қатор оралиғида ёзилиши, ҳар бир бет ҳошияси: юқоридан, пастдан 2 см. ва ўнгдан 1,5 см., чапдан 3 см. бўлиши, хатбоши беш белгига тенг ва бир хилда бўлиши лозим.
БМИ матни «Тimеs Nеw Rоmаn» 14 ўлчамли шрифтида Мiсrоsоft Wоrd матн редакторидан фойдаланилган ҳолда бажарилади.
БМИнинг ҳажми титул варағи, адабиётлар рўйхати ва иловалардан ташқари 60-65 бет, кўпи билан 75-80 бетдан ошмаслиги лозим.
Маълумки, илмий-тадқиқот иши аниқликни талаб этади, шу боис, ишда ҳавола (сноска)лардан тўғри ва унумли фойдаланиш талаб этилади. БМИда фойдаланилган маълумотлар, иқтисодчи олимлар ва мутахассисларнинг фикрлари, шунингдек, расм ва жадвалларни расмийлаштириш ва уларнинг манбаларига белгиланган тартибда ҳаволалар келтирилиши лозим (17-илова).


Битирув малакавий ишининг ҳимояси
Битирув малакавий иши институт раҳбарияти томонидан махсус ташкил этилган “Якуний Давлат аттестация комиссияси” (ЯДАК) олдида ҳимоя қилинади.
ЯДАК таркибига вазирликнинг масъул ходимлари ва мутахассислари, олий таълим муассалари профессор-ўқитувчилари, институтнинг ректори, проректори, декан, кафедра мудирлари ва кафедра профессор-ўқитувчилари киритилиши мумкин.
Ҳимояда талаба ишнинг асосий мазмуни ва таклиф этаётган тавсиялари, чора-тадбирлари бўйича қисқача маъруза қилади, ЯДАК аъзоларининг берган саволларига ҳамда тақризчиларнинг ишга бўлган танқидий мулоҳазаларига жавоб беради.
Ҳимоя баённомаси ЯДАК котиби томонидан олиб борилади ва комиссия раиси ва барча ҳайъат аъзолари имзолайдилар. ЯДАК қарори талабага белгиланган тартибда ҳужжат расмийлаштириш ва уни топшириш учун асос ҳисобланади. Битирув малакавий ишини ҳимоя қила олмаган талабага яна бир марта аниқ вақти кўрсатилган ҳолда ҳимоя қилиш имконияти берилади.