Ўзбекистон республикаси олий ва ўрта махсус таълим вазирлиги тошкент кимё-технология институти

ЛАБОРАТОРИЯ ХОНАСИДА ДАРСЛАРНИНГ ЎТКАЗИЛИШ ТАРТИБИ
Лабораторияда ишлаш учун талаба мустақил ҳолда асосий дарслик, маъруза материаллари ва лаборатория ишлари учун белгиланган қулланмалардан фойдаланиб, тайёргарлик кўради.
Ишни бошлашдан олдин талаба ўқитувчига иш тартибини ва шу ишга доир назарий маълумотларни айтиб бериши керак. Талабанинг жавоби қониқарли деб топилгач, ўқитувчи унга тажрибани бажаришга рухсат беради. Лаборатория иши учун алоҳида лаборатория дафтари ва ўқитувчининг журнали тутилади. Дафтарга тажриба давомида олинган иш натижалари ўз вақтида қайд қилиниб борилади. Лаборатория дафтари асосан қуйидаги тартибда тутилади:
а) машғулот ўтказилган кун,ишнинг тартиб рақами ва унинг номи;
б) лаборатория ишига таълуқли қисқача назарий қисми;
в) лаборатория ишни бажаришнинг қискача тафсилоти;
г) иш бажариладиган қурилманингг чизмаси;
д) топиладиган физик катталикнинг формуласи;
г) олинган натижалар жадвалда қайд қилинган бўлиши керак.
Барча ўлчашлар етарлича юқори аниқликда ўтказилиб,тажриба натижаларини охиригача ҳисоблаб, ўқитувчига кўрсатилади ва ўқитувчи ўз журналига ҳамда талаба дафтарига тегишли белгини қўйиб қўяди.


К И Р И Ш

Табиат қонунларини, табиатда содир бўладиган турли-туман ҳодисаларни, гарчи уларнинг табиати хилма-хил бўлсада (механика, электр ва атом-физикаси) бу кўрилган ҳодисаларин физика фани ўрганади.

Бу фанни ўрганишнинг турли услублари (маъруза, амалий машғулот ва лаборатория ишлари) мавжуддир.
Асосий ўқитиш усулларидан бири бўлган лаборатория машғулотларида:
1.Талабада назариянинг тўғрилигига ишонч ҳосил қилинади.
2.Талаба турли лаборатория ўлчов асбоблари билан танишиб, уларнинг тузилишини, ишлаш жараёнини ўрганади.
3.Бажариладиган лаборатория ишининг моҳиятини билган ҳолда шу ишни ўлчов асбоблари ёрдамида бажаришга ҳамда қандай натижа олишни ўрганади.
4.Талабада тажриба ўтказиш кўникмаси ҳосил қилинади.
Берилган лаборатория ишини бажариш асосида талаба физик жараён, ҳодисалар, қонуниятлар ва уларни характерлайдиган физик катталиклар тўғрисида тасаввурга эга бўлади.