Ўзбекистон республикаси oлий ва ўрта махсус таълим вазирлиги teрмиз давлат университетининг

И. Хасанов
 

---

Кириш 
 
Мазкур услубий кўрсатма “Ботаника. Тубан ўсимликлар” фанидан 
“5110400 - Биология” таълим йўналиши талабалари учун мўлжалланган 
бўлиб, “Аниқ ва табиий фанлар факултети “Биология ва география” 
кафедраси профессор-ўқитувчилари томонидан ишлабчиқилган.
“Ботаника. Тубан ўсимликлар” фанидан лаборатория машғулотлари 
“5110400-биология” таълим йўналиши ўқув режасига асосан 2 курс 
талабаларига 3-семестрда 34 аудитория соатларида ўқитилади.
Фанни ўқитишдан мақсад талабаларда ўсимлик бир бутун яхлит организм 
эканлиги, ўсимликларнинг тузилиши ҳамда шароитга мослашиш қонуниятлари, 
тубан ўсимликлар, уларнинг ер юзида тарқалиши, систематикаси, ҳаётий шакллари, 
келиб чиқиши, таксономик бирликлар, экологик омилларнинг ўсимликларга 
таъсири, уларнинг муайян шароитга мосланишидаги биологик хусусиятларининг 
ўзгаришлари бўйича йўналиш профилига мос билим, кўникма ва малакани 
шакллантиришдир. 
Фаннинг вазифаси – талабаларга ботаниканинг илмий-назарий асосларини 
бериш билан бир қаторда унинг замонавий тадқиқот методларини, микротехника 
билан иш юритишни, микропрепаратлар тайёрлашни, ўқув ва илмий гербарийлар 
тайёрлашни, олинган натижаларни таҳлил қилишни ўргатишдан иборат.
Микроскоп ва бошқа замонавий техника жихозларидан фойлаланиб ўсимлик 
тузилишини ўргана олиш, тубан ўсимликлардан вақтинчалик ва доимий 
препаратлар тайёрлай олиш, ўқув ва илмий гербарий материалларини тайёрлай 
олиш, ўсимликни турга кадар аниқлай олиш ва систематик ўрнини тўғри белгилай 
олиш, кесмаларнинг микроскопдаги аксини схематик ва махсус жиҳозлар ёрдамида 
расмини тайёрлай олиш, ўсимликларнинг умумий кўриниши ва керакли 
жихозларини микроскоп ва лупалар ёрдамида рақамли фотоаппаратда суратга ола 
билиш, олинган тажриба маълумотларидан диаграмма ва графиклар туза олиш 
хамда уларни математик таҳлил қила олиш кўникмаларига эга бўлиши керак..