Ўзбекистон республикаси олий ва ўрта махсус таълим вазирлиги термиз давлат университети тарих факультети

Таянч тушунчалар :
Фраваши (ҳозирги номи Фарвардин) - бутун мавжудотнинг руҳи - худо Ахурамазданинг сифатларидан бири.
Аши Вахишта (ҳозирги номи Ордибеҳешт чинакам) — тақводорлик.
Харватот (ҳозирги номи Хўрдод) - бутунлик ва саломатлик худоси.
Тиштрия (ҳозирги номи Тир) - Сириус юлдузи-зардуштийлар бунга ҳам сиғинганлар.
Амеретот (ҳозирги номи Мўрдод) - абадийлик.
Хшатра-варя (ҳозирги номи Шаҳревар) - олий ҳокимият.
Митра (ҳозирги номи Мехр) - қадимдан бўлган худо, зардуштийликда ёруғлик, аҳд ва осмон худоси.
Апу (ҳозирги номи Обон) - жуда қадимги сув худоси.
Одар (ҳозирги номи Озар) - олов худоси.
Дотуш (ҳозирги номи Дей) - яратувчи.
Воҳу Маноҳ (ҳозирги номи Бахмон) - яхши фикр.
Спенти Омоти (ҳозирги номи Эсфанд) тақводорлик-асосий акидалардан бири.
Муҳаррам - «таъқиқланган», «ман этилган», «муқаддас» маъноларини беради. Муҳаррамда жоҳилият даврида уруш Ҳаром қилинган.
Сафар - «сариқ», «заъфарон» деган маънони беради. Бу ойда арабларга ҳалок қилувчи яра тошар эди. Шунингдек, бошқа бир фаразга кўра, сафар ойида араблар «сафария» номли гуруҳ билан биргаликда озиқ-овқат қидирганликлари учун бу ойга шундай ном берилган.
Раби ул-аввал - «Рабиъ» сўзи араб тилида «баҳор» маъносини беради. Аммо Кадимги араблар «рабиъ» сўзини «куз» маъносида ҳам қўллаганлар. Ушбу ой куз фаслида келгани учун «биринчи куз» маъносини англатган.
Раби ус-соний — «иккинчи куз» маъносини англатган
Жумоду-л-аввал, Жумоду-с-соний - бу икки ой қиш кунларига, совук қаттиқ бўлиб, сув музлаган пайтини англатувчига арабча «жамода» сўзидан олинган бўлиб, «қотиб қолмоқ», музламоқ маъносини беради
Ражаб - араблар бу ойни улуглайдилар, яна бу ойни «кар ойи» ҳам деб номлайдилар, чунки булар бу ойда уруш овозини эшитмасдилар
Шаъбон - «ташааба» сўзидан олинган бўлиб, «тарқалмок» маъносини беради Рамазон - «ёндирмоқ», «жазирама ой» маъноларини англатади. Бу ой ёзнинг энг иссик пайтига тўғри келгани учун шундай аталган