Ўзбекистон республикаси олий ва ўрта махсус таълим вазирлиги тдпу ҳузуридаги педагог кадрларни қайта

Тадқиқот лойиҳалари – илмий изланиш характерига эга лойиҳалар бўлиб, унинг таркибий тузилиши муаммонинг долзарблиги, ишланганлик даражаси, тадқиқот мақсади, илмий фарази, вазифалари, муаммони тадқиқ этишда қўлланиладиган методлар, кўп босқичли педагогик тажриба ва олинган натижа ва хулосаларга асосланган ҳолда илгари суриладиган амалий-методик тавсиялардан иборат бўлади.

Ижодий лойиҳалар – инивидуал ѐки ҳамкорлик асосида ижодий характерга эга янги таълим маҳсулотлари (ижодий ҳисобот, кўргазма, дизайн, видеофильм, нашр ишлари – китоб, альманах, буклет, альбом, босма ва электрон журнал, компьютер дастурлари кабилар)ни яратишга йўналтирилган лойиҳалар.

Ахборотли лойиҳалар – ўқув жараѐнини ташкил этиш ѐки бошқа таълимий характерга эга буюртмаларни бажариш мақсадида назарий ахборотларни йиғишга йўналтирилган лойиҳалар.

Тузилишига кўра лойиҳалар қуйидаги кўринишда намоѐн бўлади:

Дастур, модел (жумлаан, технологик модел), технологик харита, буклет, нашр иши, электрон ўқув-таълим ресурси ва б.
Қўлланилиш соҳаларига кўра эса лойиҳалар қуйидагиларга ажратилади (37-расм):

37-расм. Модул таълимининг устувор тамойиллари
Лойиҳа таълимини ташкил этишда талабаларнинг асосий фаолияти лойиҳалаштиришдан иборат бўлади.

Лойиҳалаш – бошланғич маълумотлар, аниқ белгиланган вақт, махсус танланган шакл, метод ва воситаларга таяниб, кутиладиган натижани тахмин қилиш, башоратлаш, режалаштириш орқали аввалдан фаолият моделини тузиш, фаолият ѐки жараѐн мазмунини ишлаб чиқишга қаратилган амалий ҳаракат
Бу борадаги фаолият “ғоя – мақсад – кутиладиган натижа – тахмин қилиш – башоратлаш – режалаштириш” тизимига асосланади. Лойиҳалаш турли воситалар, яъни моддий буюм, қуроллар, м: компьютер технологияси, ватмон ѐки оддий иш қоғози, чизғич, қалам, маркер, нусха кўчириш аппарати (принтер) ва б. ѐрдамида амалга оширилади.
Лойиҳалаш жараѐни қуйидаги босқичларда ташкил этилади (38-расм):

38-расм. Лойиҳалаш босқичлари