Ўзбекистон республикаси олий ва ўрта махсус таълим вазирлиги самарқанд давлат чет тиллар институти

Фан бўйича талабаларнинг билими, кўникма ва малакаларига
қўйиладиган талаблар
Бошланғич синфлард чет тил ўқитиш методикаси ўқув фанини ўрганиш, ўзлаштириш жараёнида таълимнинг бакалавр босқичи талабаларидан ўрта умумтаълим мактаб, болаларга чет тил ўқитиш методикасидан амалий билимларни эгаллаш талаб қилинади.
1. Назарий билимларни эгаллаш бўйича талаблар:
- Бошлангич синфларда чет тил ўқитиш методикасининг мақсади, вазифалари, предмети, илмий-тадқиқот методлари, методик тушунчалар, воситалар, методлар, тамойиллар, усуллар, машқлар тизимини билиш;
-тил ўрганувчиларга тил материалини (талаффуз, лексика, грамматика) методикасини тушунтириш;
- чет тилида нутқ фаолияти турларини тинглаб тушуниш, гапириш,ўқиш ва ёзув малакаларини ўргатишни билиш;
-чет тили ўқитиш жараёнини ташкил қилиш, режалаштириш, дарс режаси тузиш ва рейтинг тизимини билиш;
2. Амалий билимларни эгаллаш бўйича талаблар:
-чет тили ўқитишнинг мақсад ва вазифаларини амалга ошириш, усулларини билиш;
-тил материали бўйича нутқ кўникмаларини шакллантиришга оид билимга эга бўлиш;
-нутқ фаолияти турлари бўйича малакаларни шакллантиришга оид билимга эга бўлиш;
-ўқув жараёнини ташкил этиш, дарс режасини тузиш, тил ўрганувчиларнинг билим, кўникма ва малакаларини назорат қилишга оид билимга эга бўлиш.
3. Тил материали (фонетика, лексика, грамматика) бўйича кўникмаларга оид талаблар:
-тил материали қийинчиликларини аниқлаш ва уларни бартараф этиш усулларидан фойдалана олиш;
-кўргазмали қурол ва техник воситалардан фойдалана олиш;
-тил материали бўйича малакаларни шакллантирувчи, ривожлантирувчи машқлар туза олиш;
-таълимнинг дидактик ва методик принципларини қўллай олиш;
-тил ўрганувчиларнинг ўрганилаётган тил бўйича билим, кўникма ва малакаларини баҳолаш.
4. Нутқ фаолияти (тинглаб тушуниш, гапириш, ўқиш, ёзув) турлари ва ўқитиш жараёнини ташкил қилиш малакаларига оид талаблар:
-ўқувчиларни тинглаб тушунишга ўргатиш;
- монолог, диалог нутқ шаклларини ўргатиш;
- ўқиш техникасини ўргатиш;
-матнни ўқиб унинг умумий ва асосий мазмунини тўлиқ тушунишни ўргатиш;
-ўқиш турларини ўргатиш;
-ёзувни ўргатиш, воситаларни қўллаш;
-хорижий мамлакат ўқувчилари билан хат ёзишни ташкил қилиш;
-дарсни режалаштириш;
-ўтилган дарсни ва ўзгалар дарсини таҳлил қилиш;
-дарсни замонавий талаблар асосида ўтиш.