Ўзбекистон республикаси олий ва ўрта махсус таълим вазирлиги самарқанд иқтисодиёт ва сервис институти «банк иши» кафедраси

17.3. Тижорат банкларининг инвеститсион фаолияти ва сиёсати
Инвеститсиялар (немисча – инветсион, лотинча – инвестере – ўраш, инглизча – инвестмент – сармоя қўйиш) иқтисодий ривожлантириш мақсадида мамлакат ёки чет элларда турли тармоқларга узоқ муддатли капитал киритиш, капитал сарфлар маъносини англатади.
Ўзбекистон Республикасининг “Инвеститсия фаолияти тўғрисида”ги Қонунининг 2-моддасига биноан, инвеститсиялар – иқтисодий ва бошқа фаолият объектларига киритиладиган моддий ва номоддий неъматлар ҳамда уларга доир ҳуқуқлардир”.
Ўзбекистон Республикаси Президенти Ш. Мирзиёев Ўзбекистон Республикаси Олий Мажлисига йўллаган мурожаатномасида -"Бугун биз давлат ва жамият ҳаётининг барча соҳаларини тубдан яхшилашга қаратилган инноватсион ривожланиш йўлига ўтмоқдамиз. Бу бежиз эмас, албатта. Чунки замон шиддат билан ривожланиб бораётган ҳозирги даврда ким ютади? Янги фикр, янги ғояга, инноватсияга таянган давлат ютади" деган эди.
Бу албатта маълум молиявий ресурслар билан боғлиқ ва унда банкларни ўрни беқиёс, чунки банклар фаолиятининг асосий йўналишларидан бири бўлиб инвеститдион фаолият ҳисобланади.
Тижорат банклари томонидан инвеститсион фаолият олиб боришдан мақсад уларнинг даромадлилиги ва ликвидлилиги таъминлашдан иборат.
Банкларнинг инвеститсион фаолияти турли хил қимматли қоғозлар: оддий ва имтиёзли аксиялар, облигатсиялар, депозит-сертификатлари ва бошқаларга маблағларни қўйиш орқали амалга оширилади.
Ривожланган мамлакатларда тижорат банкларининг инвеститсион фаолияти даромад келтириши нуқтаи назаридан банк даромади таркибида кредит фоизидан кейинги иккинчи манба ҳисобланади
Мамлакатимизда иқтисодиётнинг реал секторига амалга оширилаётган инвеститсиялар кенгайтирилган такрор ишлаб чиқаришни таъминлашнинг асосий манбаи ва уни юқори суръатларда амалга оширишнинг асоси ҳисобланади. Бу 2,3-жадвалларда келтирилган республикамиз иқтисодиётига сарфланган инвеститсия маблағлари ва унинг манбалари ҳажмидан ҳам кўринади.
2-жадвал
Республикамизда амалга оширилган инвеститсиялар ҳажми, млрд. АҚШ долларида

Кўрсаткичлар	2012 йил	2013 йил	2014 йил	2015 йил	2016 йил	2016 йил фоизда
						2012 йилга	2015 йилга
Инвеститсиялар жами	11,7	13,0	14,6	15,1	16,6	141,9	109,9
Шундан чет эл инвеститсиялари	2,5	3,0	3,0	3,3	3,7	148,0	112,1

Жадвал маълумотларига кўра сарфланаётган инвеститсияларнинг ҳажми йилдан – йилга ошиб борган ва 2016 йилда 2012 йилга нисбатан 141,9 фоизга ошган, шу даврда чет эл инвеститсияларининг ҳажми 148 фоизга ошган.

3-жадвал