Ўзбекистон республикаси олий ва ўрта махсус таълим вазирлиги самарқанд давлат университети

Келишилди:


Ўқув услубий бошқарма бошлиғи доц. Б.Алиқулов

1. 
   Ўқув фани ўқитилиши бўйича услубий кўрсатмалар
   

“Ноорганик бирикмаларнинг замонавий физик усуллар билан тадқиқоти” фани магистрантларни назарий билимлар, амалий кўникмалар, электрон-, радио-, ва тебранма спектроскопия, атом эмиссион, термографик анализ усулларининг назарий асосларини ўргатиш ва бу усулларни ноорганик бирикмаларни таҳлил қилишда фойдаланиш каби дунёқарашни шакллантириш вазифаларини бажаради.
Фан бўйича магистрантларнинг билим, кўникма ва малакаларига қуйидаги талаблар қўйилади. Магистрант:
- спектроскопик назарияларни, электрон спектрларининг кўзга кўринувчан ва ультрабинафша соҳалари, электрон парамагнит резонанс ва ядро парамагнит резонанс спектроскопияси, масс-спектроскопияси, ядро ва квадрупол резонанс спектрлари, ноорганик бирикмаларни дифференциал термик анализ ва термогравиметрия усуллари таҳлили ҳақида тасаввурга эга бўлиши;
- электрон спектроскопия маълумотларини комплекс бирикмаларнинг спектрларидаги ютилиш ва қайтариш чизиқларини аниқлашни, тебранма спектроскопия натижаларидан фойдаланиб ноорганик кимёнинг структур-кимёвий масалаларини еча олишни, ноорганик бирикмаларни электрон, инфрақизил, ядро магнит резонанс, электрон парамагнит резонанс спектрларини ва термогравиграммаларини билиши ва улардан фойдалана олиши;
- спектроскопия маълумотларига асосланиб ноорганик моддаларнинг кимёвий тузилишини аниқлай олиш; дифференциал термик анализ маълумотларига асосланиб комплекс бирикмаларнинг таркиби ва термоизомеризация жараёнларини аниқлай олиш кўникмаларига эга бўлиши керак.

2. 
   Маъруза машғулотлари
   

Физик усуллар
Спектрал усуллар. Нурланиш табиати. Нурланиш турларига мос келувчи энергиялар. Электрон ютилиш спектрлари ҳосил бўлишининг назарий асослари. Электрон ўтишлар назарияси. Оралиқ металлар комплексларининг электрон ютилиш спектрлари. Тебранма ва айланма спектрлар. Инфрақизил, комбинацион тарқалиш ва микротўлқин спектроскопия. Франк-Кондон принципи. Гармоник ва ангармоник тебранишлар. Ютилиш чизиқларининг пайдо бўлишини тавсифлайдиган эффектлар. Ферми резонанси. Ноорганик бирикмалар, газларнинг оптик спектрлари. Диффуз қайтарилишнинг электрон спектрлари. Комплексларни электрон ва диффузион қайтарилиш спектрлари таҳлилида Рак параметрлари.