Ўзбекистон республикаси олий ва ўрта махсус таълим вазирлиги самарқанд иқтисодиёт ва сервис институти халқаро молиявий ҳисобот стандартлари

Солиқ харажати (солиқ даромади) –бу давр фойдаси ёки зарари аниқланишида ҳисобга олинган жорий ва муддати кечиктирилган солиқ бўйича умумий сумма.
Солиқларни режалаштириш имкониятлари – бу солиқ зарарини келгуси ёки олдинги даврларга ўтказиш муҳлати тугамасдан хўжалик субъекти томонидан солиқ солинадиган даромадни муайян даврда шакллантириш ёки кўпайтириш учун амалга оширилиши мумкин бўлган чоралардир.
Тадбиркорлик субъектининг молиявий ҳолати тўғрисидаги ҳисоботда тан олинадиган мажбуриятлар – бу фақат ҳисобот даври охирида мавжуд бўлган мажбуриятлардир.
Вақтинчалик фарқлар – бу молиявий ҳолат тўғрисидаги ҳисоботда акс еттирилган актив ёки мажбуриятнинг баланс қиймати билан унинг солиқ базаси ўртасидаги фарқлардир.
Битимга оид харажатлар - бу молиявий актив ёки молиявий мажбуриятнинг хариди, емиссияси ёки чиқиб кетиши билан бевосита боғлиқ қўшимча харажатлардир.
Еффектив фоиз ставкаси - бу молиявий инструментнинг кутилган хизмат муддати, ёки ўринли бўлганда, қисқароқ муддат давомида баҳоланган келгуси пул тўловлари ёки тушумларини молиявий актив ёки молиявий мажбуриятнинг соф баланс қийматигача мутлақо тўғри дисконтлайдиган фоиз ставкасидир.
Еффектив фоиз усули - бу молиявий актив ёки молиявий мажбуриятнинг амортизацияланган қийматини ҳисоблаш ва фоизли даромад ёки фоизли харажатни тегишли даврда тақсимлаш усулидир.
Ҳаққоний қиймат - бу баҳолаш санасида бозор иштирокчилари ўртасидаги одатдаги операцияда активни сотишда олиниши мумкин бўлган ёки мажбуриятни ўтказишда тўланиши мумкин бўлган нархдир.
Молиявий инструмент - бу бир ташкилотнинг молиявий активини ва бошқа ташкилотнинг молиявий мажбурияти ёки улушли инструментини кўпайишига олиб келадиган шартномадир.
Ўзаро ҳисоб-китоб қилиш ҳуқуқи – шартнома асосида ёки бошқа ўрнатилган тартибда, кредиторга тўланиши лозим бўлган қийматнинг бир қисмига ёки барчасига нисбатан кредитордан олиниши лозим бўлган қиймат орқали қоплаш ёки бошқа ҳолларда бекор қилиш бўйича қарздорнинг юридик ҳуқуқи ҳисобланади.
Қатъий келишув - бу белгиланган келгуси сана ёки саналарда белгиланган нархда ресурсларнинг белгиланган миқдорининг алмашинуви бўйича мажбурият юклайдиган келишувдир.