Ўзбекистон республикаси олий ва ўрта махсус таълим вазирлиги самарқанд давлат чет тиллар институти

ахборотлаштириш дастури асосида қурилган бўлиши керак.

---

196 
Ахборот технологияларини фаол татбиқ қилиш орқали таълим сифатини ошириш 
бундай дастурнинг мақсади ҳисобланади. Қуйидаги масалаларни ҳал қилиш орқали бу 
мақсадга эришиш мумкин: 
•
методик ишлар самарадорлигини ошириш мақсадида таълим муассасаларининг 
ягона ахборот муҳитини яратиш, ўқитувчиларнинг касбий маҳоратларини оширишга бўлган 
эҳтиёжларини қондириш ва илмий–методик ҳужжатларда ахборот оқимини аниқ бошқариш; 
•
узлуксиз касбий таълимда ахборот технологияларидан фойдаланиш ва ўқув 
жараёнини фаоллаштириш; 
•
ўқитувчиларда ва ўқувчиларда ахборот маданиятини шакллантириш учун шароит 
яратиш. 
Бундай дастурни амалга ошириш ўқув жараёнини самарали ташкил қилиш, бутун 
жамоа ва ҳар бир иштирокчининг ўқув жарёнидаги фаолияти натижаларини таҳлил қилиш, 
ахборот технологияларини таълим жараёнига татбиқ этиш самарадорлиги даражасини 
аниқлаш имкониятини беради. Дастурга ахборот технологияларини ўзлаштириш ва татбиқ 
этишнинг барча босқичларида ўқитувчиларни назарий ва амалий жиҳатдан тайёрлашга 
қаратилган фаолиятини ташкил қилишда, қуйидаги таълим интернет–ресурсларидан 
фойдаланиш мумкин: Ўзбекистон Республикаси педагогик таълим муассасаларининг ягона 
ахборот макони – www.pedagog.uz портали бўлиб, ҳозирги кунда www.pedagog.uz портали 
қуйидаги ахборот-таълим ресурсларидан ташкил топган (8-иловага қаралсин). 
Маълумки, ахборот эскириши, айниқса, шиддат билан эскириш хусусиятига эга, 
демак, ўқитувчи узлуксиз таълим олиши, ижод қилиши (мустақил ва махсус ташкил этилган) 
зарур. Таълимни модернизациялаш шароитида узлуксиз педагогик таълим тизимида 
ўқитувчи кадрларни тайёрлашга қўйиладиган талаблар ортиб бормоқда.
Ўқитувчи замонавий ахборот технологиялари асосида ўз–ўзини такомиллаштиришида 
масофавий курслар бебаҳо ёрдам кўрсатади. Интернет орқали тайёргарлик мавзусини 
танлаш, вақтни тежаш, ўқитиш самарадорлигини ошириш имкониятини беради. Ўзини, ўз 
тажрибасини очиб бериш қобилияти ўқитувчи ахборот маданиятининг муҳим жиҳати 
ҳисобланади. Баъзан ўқитувчилар маъмуриятнинг ишчи дастурларни, иш юзасидан 
ҳисоботларини, иш юритишнинг замонавий талабларидан келиб чиқиб компьютерда 
расмийлаштиришни талаб қилишини тўғри қабул қилмайдилар. Бироқ, ҳужжатларни ҳам 
техник, ҳам дастурий замонавий воситалардан фойдаланиб тайёрлашнинг кўникма ва 
малакалари аниқроғи, истаги ўқитувчига инновацияларга тайёр турадиган маҳоратли 
ўқитувчи сифатида тавсифнома беради.
Ўқув фаолиятини диагностика ва мониторинг қилиш ишларида компьютердан 
фойдаланиш шунингдек, ўқитувчининг ахборот коммуникацион технологияларни билиш 
савиясини тавсифлайди. Компьютердан фойдаланишда ўқувчиларнинг ҳамда ўқитувчининг 
соғлиғини сақлаш меъёрларига риоя қилиш ўқитувчи ахборот маданиятининг ажралмас 
қисмидир. 
Хулоса қилиб шуни таъкидлаш керакки, янги ахборот технологияларининг татбиқ 
қилиниши ўқитишнинг анъанавий технологияларини инкор қилмайди.
Компьютер воситалари ва ахборот технологиялари дидактик жараёнга улкан таъсир 
кўрсатади, унинг фаоллигини мунтазам ошириб боради, бироқ шу билан бирга ўқув 
жараёнида ахборот–компьютер воситаларидан фойдаланишда педагогик мақсадга 
мувофиқлик принципига амал қилиш талаб этилади.