Ўзбекистон республикаси олий ва ўрта махсус таълим вазирлиги самарқанд иқтисодиёт ва сервис

4.ГАТда туристик харита турлари. Туристик географик тасвирлар.


Туристик рақамли навигацион хариталар (юнонча - "варақ, қўлёзма") - бу маълумотларни сақлашнинг жуда самарали йўли бўлиб, кенг қамровли туристик маълумотларни ўзида акс эттиради. GPS- навигаторли рақамли хариталар фойдаланувчиларга картографик ахборотларни яратиш ва ишлов бериш учун кенг имкониятлар яратиб беради. Туристик ГАТ туристик хариталар ва тасвирларни сақламайди, аммо туристик маълумотлар базаларини сақлайди. Маълумотлар базаси ва маълумотлар базасини бошқариш системаси тушунчалари туристик ГАТнинг бошқа хариталаш тизими ва конструкторларидан энг асосий фарқли жиҳати ҳисобланади. Анъанавий геодезик геоахборот тизимларидан фарқли ўлароқ, туристик ГАТ ўзида комплекс туристик маълумотларни сақлайди ва картографик визуаллаштиришнинг самарали усулларини ўзида акс эттиради.
Туристик ГАТни визуаллаштириш ёрдамида навигацион хариталарни осонгина ҳужжатлар, уч ўлчамли тасвирлар, графиклар, жадваллар, диаграммалар, фотосуратлар ва бошқа воситалар, масалан, мултимедиялар билан таъминлаш мумкин. Бундан ташқари, одатда икки ўлчовли маконда тасвирланган қоғоз туристик хариталардан фарқли ўлароқ, электрон туристик хариталар уч ўлчовда объект ва ҳодисаларнинг макон ва замондаги характеристикасини намоён этади.
Туристик объектнинг географик жойлашуви ва хусусиятларини белгиловчи ҳар қандай туристик маълумотлар, масалан, шаҳардаги диний бинолар ёки кўрсатилган манзилда яшовчи тарихий шахслар, тарихий-маданий заҳирадаги контурлар, маршрут йўналиши, кузатув нуқтаси - кузатиш майдончалари, тоғ-чанғи туризми, ҳудуднинг бўшлиқ қиёфаси ва бошқа географик маълумотлар, буларсиз туристик ҳудудни тўлиқ хариталаштириш, туристик космик тизимни таҳлил қилиш, туристик талабларга мос равишда жавоб бериш ёки туристик йўналишни ўзгартириш, туристлар эҳтиёжига қараб маршрутни ўзгартириш имкони йўқ, шунинг учун тегишли туристик маълумотлар рақамли туристик компютер хариталари тўпланади. Компютер туристик харитаси ҳамда қоғоз харитаси билан солиштирганда янада қизиқарли иш бўлиши мумкин, шунинг учун, компютердаги туристик харита кўпгина қўшимча ва фойдали хусусиятларга эга бўлади. Масалан, у компютер экранида осонлик билан миқёси, турли йўналишларга кўчиб, мосламаларни қўшиш ва ўчириш, энг мақбул ҳудуднинг ҳар қандай қисмини ва шунга ўхшашларни кўриш кабилардир.