Ўзбекистон республикаси олий ва ўрта махсус таълим вазирлиги самарқанд иқтисодиёт ва сервис

11.2.Туризмда хавфсизликнинг халқаро-ҳуқуқий жиҳатлари. 
Туризм хавфсизлиги чора-тадбирларини ишлаб чиқиш 
соҳасидаги халқаро тажриба Жаҳон туристик ташкилоти (ЖТТ) 
томонидан тадқиқ қилинади ва умумлаштириб борилади. Туризм 
Хартиясида ва Турист кодексида (ЖТТ Бош ассамблеясининг VI 
сессияси, 1985 йил), Туризм бўйича Гаага парламент 
конференциясида (1989 йил) саёҳатларнинг хавфсизлигини 
таъминлаш шартлиги қайд этиб ўтилган. 1994 йили ЖТТ Ижроия 
Кенгаши қошида саёҳатларнинг хавфсизлиги учун жавоб берувчи 
Туристик хизматлар кўрсатиш сифати бўйича қўмита ташкил 
этилди. Шу йили ЖТТ «Саёҳатчилар, туристлар ва туристик 
объектлар хавфсизлиги ҳамда уларни ҳимоя қилиш» мавзусида 
жаҳоннинг 73 мамлакатида тадқиқот ўтказди. 1995 йили ёзда ЖТТ 
ташаббуси билан Эстерунд (Швеция)да туризм хавфсизлиги ҳамда 
саёҳатлар чоғида хавф-хатарларни камайтириш бўйича I халқаро 
конференция ўтказилди. Тадқиқот натижалари шундан далолат 
берадики, жаҳон мамлакатларининг 71% да туристлар ташриф 
буюрадиган объектлар махсус туристик полиция ёки хавфсизлик 
хизмати томонидан қўриқланади. Мамлакатларнинг ярмидан 
кўпида бундай хизмат давлат полицияси ёки муниципал 
полициянинг таркибий қисми ҳисобланади.
Халқаро меҳнат ташкилоти (ХМТ), Жаҳон соғлиқни сақлаш 
ташкилоти (ЖССТ), Бирлашган Миллатлар Ташкилотининг 
таълим, фан ва маданият масалалари бўйича ташкилоти 
(ЮНЕСКО), Халқаро денгиз ташкилоти (ИМО), Фуқаро авиацияси 
халқаро ташкилоти (ИСКАО), Атроф муҳит бўйича БМТ дастури 
(ЮНЕП), Жиноят полицияси халқаро ташкилоти (Интерпол), БМТ 
Болалар фонди (ЮНИСЕФ), Иқтисодий ҳамкорлик ва ривожланиш 
ташкилоти (ОЭСР), Жаҳон савдо ташкилоти сингари халқаро ва 
ноҳукумат ташкилотлари туризм масалалари билан бевосита ёки 
билвосита шуғулланади. Кўпгина иқтисодий ва молиявий 
ташкилотлар, жумладан, Жаҳон банки, Европа тикланиш ва 
тараққиёт банки ва бошқалар ҳам туризм муаммолари билан 
шуғулланади.

---

133 
Туризмни ривожлантиришнинг давлат норматив-ҳуқуқий 
ҳужжатлари билан бевосита ёки билвосита боғлиқ бўлган айрим 
функционал жиҳатлари 5-жадвалда келтирилган.
5-жадвал