|
Соч толали гигрометр. Соч толали гигрометрнинг асосий қисми -
нисбий намлик ўзгариши билан ўз узунлигини ўзгартириш хусусиятига эга
бўлган ѐғсизлантирилган (спирт ѐки эфир ѐрдамида ишлов берилган) инсон
сочидир (3.5-расм). Нисбий намлик камайганда рама 2 да жойлаштирилган
соч 1 калталашади, намлик ортганда - узаяди.
Сочнинг юқори учи созлаш винти 3 га уланади ва унинг ѐрдамида
гигрометрнинг шкаласи 9 даги стрелка 7 нинг жойлашишини ўзгартириши
мумкин. Сочнинг пастки учи стержен 7 да ўрнатилган ѐйсимон шаклдаги
блок 4 билан уланган. Бу блокдаги юк 6 сочни таранг ҳолатда ушлаб туришга
хизмат қилади. Блок 8 нинг ўқида стрелка 7 ўрнатилган бўлиб, унинг эркин
учи ҳавонинг намлиги ўзгарганда шкала бўйича силжийди.
Гигрометр шкаласининг бўлаклари қиймати нисбий намликнинг 1% га
тўғри келади. Бўлакларнинг узунлиги бир хил эмас: намликнинг кичик
қийматларида бўлаклар кенгроқ, намликнинг катта қийматларида улар
қисқароқ бўлади. Бундай шкаланинг қўлланилиши намликнинг кичик
49
қийматларида соч узунлигининг тезроқ, намликнинг катта қийматларида
секинроқ ўзгариши билан изоҳланади.
3.5-расм. Соч толали гигрометр
Гигрометр ҳавонинг ҳарорати -50 градусдан +59 градусгача
ўзгарадиган ҳароратларда ишлашга мўлжалланган.
Пардали гигрометр. Унинг ишлаш принципи, ҳавонинг нисбий
намлиги ўзгариши билан боғлиқ бўлган гигроскопик органик парда чизиқли
ўлчамларининг ўзгариши хусусиятига асосланган (3.6-расм). Асбоб намликка
сезгир элемент 1, узатувчи механизм, стрелка 2, шкала 3 ва асбобнинг
қисмлари ва деталлари ўрнатиладиган темир рамка 7 дан иборат. Парданинг
деформацияси узатувчи механизм ѐрдамида асбобнинг шкаласига нисбатан
стрелканинг силжишига айлантирилади. Парданинг доимий таранглиги
махсус юк 5 ѐрдамида амалга оширилади. Асбоб шкаласининг бўлаклари бир
хил. Асбобда стрелканинг шкаладаги керакли бўлакка дастлабки
ўрнатилиши, сезгир элементни асбоб рамкасига ўрнатадиган винтлар
ѐрдамида бажарилади. Гигрометр -60°С дан +35°С гача ҳароратлар
диапозонида ишлашга мўлжалланган. У нисбий намлиги катта, ҳаво
ҳароратлари эса паст бўлган иқлимий шароитларда (Арктика, Антарктида)
яхши ишлайди.
Гигрометрлар ѐрдамида кузатишлар. Гигрометр (соч толали ѐки
пардали) станцион психрометр ўрнатилган психрометрик будкада, қуруқ ва
ҳўлланган термометрлар орасидаги штативда ўрнатилади. Гигрометрдан
ҳисоб олиш (бутун бир бўлак аниқлигида) психрометрик термометрлардан
50
ҳисоб олиш ўтказилгандан сўнг дарҳол ўтказилади. Ҳисоб олишлар орасида
вақт мумкин қадар кичик бўлиши керак.
3.6-расм. Пардали гигрометр
Гигрометр тузатмалари. Гигрометрнинг узоқ вақт ишлатилиши,
уларни намлик ўзгаришига сезгирлигини камайтиради, чунки соч толаси
узун бўлиб, ифлосланиб қолади, парда эса қуриб қолади. Шуни ҳисобга олиб
гигрометр кўрсаткичларини тез-тез психрометр кўрсаткичлари билан
таққослаб, тузатмалар киритиш лозим, бу мақсадда махсус график усули
қўлланилади.
Гигрографлар. Нисбий намлик ўзгаришларини мунтазам кузатиш учун
ўзиѐзар гигрографлар қўлланилади (3.7-расм).
Соч толали гигрографнинг ўлчаш қисми сифатида ѐғсизлантирилган
инсон сочлари боғлами 1 хизмат қилади. Бу боғлам рамкага ўрнатилади,
унинг узунлиги ўзгариши ричаглар тизими 3, 7 ѐрдамида стрелка 5 ва перо 6
га узатилади. Боғламнинг ўрта қисми горизонтал илмоқ 2 ѐрдамида тортиб
қўйилади. Эгри ричаг бошқа эгри ричаг 4 бўйлаб сирпанади, у эса умумий ўқ
билан, учида перо 6 ўрнатилган узун стрелка 5 билан уланади. Ричагларнинг
эгрилиги шундайки, улар соч боғламининг нотекис ўзгаришларида ҳам
перонинг тасмада бир текис силжишини таъминлаб беради. Шундай қилиб,
гигрометр шкаласидан фарқли ўлароқ, бутун шкала бўйича тасмадаги
бўлаклар бир хил бўлади. Гигрограф перосини созлаш учун винт 7 хизмат
қилади. Унинг ѐрдамида соч боғламининг учларини яқинлаштириш ѐки
51
узоқлаштириш мумкин. Шунда стрелканинг жойлашиши ҳам ўзгаради.
Гигрограф ѐзишини тўхтатиш ва барабандаги диаграмма тасмасини
алмаштириш учун соат механизмли барабан 6 дан перо стрелкаси 5 ни
ажратиш лозим. Стрелкани ажратиш учун уни соат стрелкасига тескари
йўналишда охиригача бурилади. Барабанга перони тушириш учун, аксинча
йўналишда бурилади. Асбоб, белги қўядиган қурилма билан таъминланган.
Унинг ѐрдамида, асбоб қопқоғини очмасдан, кнопкага енгил босиш йўли
билан тасмада кузатишларнинг бошланиши вақти ҳақида белги ўрнатилади.
Гигрографнинг қайд қилувчи қисми бошқа ўзиѐзарлар каби тузилган. Ёзув,
соат механизмли барабанга кийдирилган тасмага туширилади. Гигрограф
барабаннинг айланиш тезлигига қараб суткалик ѐки хафталик бўлиши
мумкин.
3.7-расм. Гигрограф
Пардали гигрограф корпус, ўлчайдиган қисм, узатиш механизми ва
сезгир элементдан иборат бўлади. Сезгир элемент сифатида пардали
гигрометр каби махсус ишланган, гигроскопик органик пардадан ясалган
думалоқ мембрана қўлланилади. Мембрананинг эгилиши махсус узатиш
мезанизми ѐрдамида соат механизми барабанида ўрнатилган тасмага
ѐзадиган пероли стрелкага узатилади. Намлик ўлчагич механик таъсирлардан
махсус қурилма билан ҳимояланган.
Гигрограф тасмаларини қайта ишлаш график усули билан бажарилади.
Бу мақсадда муддатли кузатиш соатларидаги психрометрдан олинган
ҳисоблар ва айнан шу соатлар учун гигрограф тасмалаларидан олинган
ҳисоблар учун график тузилади. Кейин гигрограф тасмасидан олинган ҳар
бир ҳисоб учун жадвалдан нисбий намликнинг тузатма киритилган
қийматлари аниқланади. Гигрограф тасмасидан ҳисоблар, гигрометрлар каби
1% аниқлик билан олинади. Гигрограф ѐзувларининг ўзгартирилган
қийматлари ойлик жадвалга киритилади.
52
Do'stlaringiz bilan baham: |
