Ўзбекистон республикаси олий ва ўрта махсус таълим вазирлиги ўрта махсус, касб-ҳунар таълими маркази

КАСБ-ҲУНАР КОЛЛЕЖЛАРИ УЧУН

ҚУРИЛИШ МАШИНАЛАРИ

фанидан

ЎҚУВ ДАСТУРИ

Тузувчи:	С.А. Сохибназаров- Тошкент қурилиш коммунал касб-ҳунар коллежи махсус фанлар ўқитувчиси
Тақризчи:	Н. Бозорбоев - Тошкент архитектура қурилиш институти “Қурилиш ишлари технологияси” кафедраси мудири, доцент.

I.ФАННИНГ МАҚСАД ВА ВАЗИФАЛАРИ

«Қурилиш машиналари» фанининг мақсади қурилиш-монтаж ва пардозлаш ишларида фойдаланиладиган машиналар ва механизмларни ўрганишдан иборатдир. Таълим дастурига юк кўтарувчи, транспорт ва юклаш-тушириш хамда суюқчилик,бўёқчилик,қоғоз ёпиштириш, силлиқлаш каби ишларида фойдаланиладиган механизация воситаларикиритилган. Шунингдек курс дастуридан назарий ва амалий таълим ўрин олган.

Таълим даврида ўқувчилар машина ва меҳанизмларнинг асосий техникавий транспортларини, тузилиши ва принципларини ҳамда уларни ишлатиш усулларини билиб олишлари керак.
Ўтилган материалларни пухта ўзлаштириб олиш учун машғулотларда машина ва механизмнинг қисмларини батафсил ўрганиш ва механизмларнинг носозлиги ва бошқа камчиликларни тузатиш усулларини билиб олишлари керак.
Ҳарбир гурухга тегишли машиналарни ўрганиш якунида мавзуни ҳавфсизлик техникаси билан таништириш лозим.


II. ФАННИНГ КВАЛИФИКАЦИОН ХАРАКТЕРИСТИКАСИ


Ўқувчилар эгаллаши лозим бўлган кўникмалар:

• 
  Қурилиш машиналари ва жиҳозлари турлари, уларнинг схемалари ва чизмаларига кўра тузилишини билиши;
  
• 
  Қурилиш машиналари ва жиҳозларини ишлаш принципини, ишлашда хавфсизлик техникасини билишлари;
  
• 
  Сувоқчилик ва бўёқчилик ишларида ишлатиладиган машина ва механизмларни ишлата билиши;
  
• 
  Дастаки ва кичик механизация воситаларини ишлата билиши;
  
• 
  Барча турдаги машиналарни ишлатиш жараёнида техника хавфсизлиги қоидаларига риоя қилиш;
  
• 
  Зарурат туғилганда биринчи тиббий ёрдам кўрсатини билиши.