Ўзбекистон республикаси олий ва ўрта махсус таълим вазирлиги ўрта махсус, каб-ҳунар таълими маркази

2-мавзу: Фавқулодда вазиятлар таснифи. Табиий тусдаги фавқулодда вазиятлар. Ўзбекистон Республикаси Вазирлар Маҳкамасининг 1998 йил 27 октябридаги “Техноген, табиий ва экологик тусдаги фавқулодда вазиятларнинг таснифи тўғрисида” ги 455-сонли қарори. Табиий,техноген ва экологик тусдаги фавқулодда вазиятлар. Трансчегарали, Республика, маҳаллий ва локал турдаги фавқулодда вазиятлар.
Трансчегарали ва Ўзбекистонга хос бўлган табиий, техноген ва экологик тусдаги фавқулодда вазиятлар ва уларнинг бир-бирига ўзаро боғлиқлиги, кўлами ва оқибатлари.
Фавқулодда вазиятларни олдиндан аниқлаш, хабар бериш ва огоҳлантириш, муҳофаза чораларини қўллаш.
3-мавзу: Минтақа мамлакатларининг сейсмик ҳудудда жойлашганлиги. Ер силкинишлари ва уларнинг ўзига хос хусусиятлари
Марказий Осиё минтақаси мамлакатларининг сейсмик фаол ҳудудда жойлашганлиги. Ер силкинишларининг сабаблари ва қўринишлари. Ер силкинишларининг бошқа тусдаги ва турдаги фавқулодда вазиятларни келтириб чиқариш характерига эга эканлиги.
Ўзбекистонда сейсмик жараёнлар. Сейсмик хариталаш. Ер силкинишлари натижасида келиб чиқиши мумкин бўлган турли тусдаги фавқулодда вазиятлар. Улар келтириб чиқариши мумкин бўлган салбий оқибатлари.


4- мавзу: Ер силкинишлари ва улар оқибатларидан муҳофазаланиш усуллари

Жаҳон мамлакатлари ва Ўзбекистонда сейсмик қаршиликни ошириш борасида олиб борилаётган ишлар.

Ер силкиниши даврида ўқувчи-ёшларни тўғри ҳаракат қилишга ўргатиш. Ер силкинишларини эьтиборга олган ҳолда уй, иш ва ўқув хоналарини хавфсиз жойларини олдиндан аниқлаш, уларни жиҳозлаш. Зилзила юз берганда ҳимояланиш воситаси сифатида уй ва хона жиҳозларидан фойдаланиш.
Зилзилалар оқибатида вайроналар остида қолган, юқори қаватли ёхуд бир қаватли иморатларда бўлган кишиларнинг тўғри ҳаракатланиши.


5- мавзу: Ер силкинишлари ва улар оқибатларидан муҳофазаланиш усуллари (амалий машғулот)
Ўқув хонаси, фаоллар зали, таълим муассасаси ётоқхоналари ва бошқа шу каби иморатларнинг хавфсиз жойини аниқлаш. Таянч деворларни белгилаш.
Ер силкинишларини эътиборга олган ҳолда, ўқув хонаси ва яшаш жойларини тўғри жиҳозланишини кўрсатиб бериш. Зилзила юз берганда хона жиҳозларидан ҳимоя воситаси сифатида фойдаланиш, электр манбалари, газ ва сув жумракларини ёпиш каби ҳолатлар амалда синалалди.