Ўзбекистон республикаси олий ва ўрта махсус таълим вазирлиги ўрта махсус, касб-ҳунар таълими маркази

15-мавзу. Автомобилни чегараланган оралиқда бошқариш
Автомобилнинг динамик ҳажми ҳақида тушунча. Чегараланган оралиқда автомобилнинг тўғри чизиқли ва манёврли ҳаракати, ўрнидан қўзғалиш ва тўхташ жойидан чиқиш. қайтаришда орқа билан юришни қўллаш, орқа билан ҳаракат. Автомобилни қўйиш жойига ўрнатишдаги ма­нёвр. Чегараланган оралиқда ҳаракатланганда учрайдиган хавфли ҳолатлар.


Амалий машғулот
Автомобилларни ўрнидан қўзғатиш ва тўхтатиш усулларини ўрганиш. Чегараланган оралиқда ва орқа билан ҳаракатланишни бошқариш усулла­рини ўрганиш. Автомобилни тўхташ жойига олиб кириш ва ундан чиқиш.
16-мавзу. Автомобилни чорраҳаларда ва пиёдалар ўтиш жойида бошқариш
Чoppaҳara яқинлашаётганда йўлга қараш кетма-кетлиги. Тартибга солинмаган чорраҳада ҳаракатланиш, тартибга солинадиган чорраҳада ҳа­ракатланиш. Светофор сигналлари ўзгарган вақтида бошқариш усуллари. Пиёдалар тўпланган жойда автомобилни бошқаришда пиёдаларнинг ҳатти-ҳаракатларига баҳо бериш ва уларни уриб юборишнинг олдини олиш. Авто­мобилни болалар пайдо бЎладиган жойларда бошқариш ва уларнинг ҳавфсизлигини таъминлаш чоралари.
Амалий машғулот
Чорраҳаларда, пиёдалар тўпланган жойларда, йўл қатнови ёнида болалар ва ўсмирларнинг пайдо бўлиш ҳолатлари, хавфли йўл-транспорт ҳодисалари билан танишиш. Ҳайдовчининг кўп йўл қўядиган хатолари, уларни олдини олиш.
17-мавзу. Автомобилни транспорт оқимида бошқариш
Транспорт оқимида тўғри аниқ ҳаракат, олдинда келган ва бошқа транспорт воситалари билан ўзаро муносабати. Хавфсиз оралиқ ва ён оралиқни танлаш. Тўсиқни айланиб ўтишда автомобилни бошқариш. Белгиланган йўналишдаги транспорт воситаларининг бекатлари жойларини ўтиш хусусиятлари. Рўпарадан келаётган транспорт воситасига нисбатан автомобилни бошқариш. қувиб ўтишда автомобилни бошқариш, ҳаракат тезлигига қараб тезлик танлаш.
Амалий машғулот
Транспорт оқимида вужудга келадаган йўл-транспорт ҳодисаларини ўрганиб чиқиш.
Олдиндаги транспорт воситаси ва ён томондаги транспорт воситаси билан оралиқ масофани тўғри аниқлашни ўрганиш. Ҳаракатсиз тўсиқни, қарама—қарши ҳаракатни ва қувиб ўтишнинг тўғри усулларини ўр­ганиш.