Ўзбекистон республикаси олий ва ўрта махсус таълим вазирлиги ўрта махсус, касб-ҳунар таълими маркази

Тақризчилар:	Ғ.Убайдуллаев
Тошкент автомобиль йўллари институти доценти
	О.Магрупов	18-сонли автотранспорт корхонаси, доцент

Фан дастури Ўрта махсус, касб-ҳунар таълими муассасаларини Ахборот-методик таъминлаш хизмати ҳузуридаги “Ўқув-методик бирлашмаларни”нинг 2015 йил 25 декабрдаги 1-сонли йиғилиш баённомаси ҳамда Олий ва ўрта махсус, касб-ҳунар тайёрлов йўналишлари бўйича Мувофиқлаштирувчи кенгашнинг 2016 йил 19 январьдаги 1-сонли мажлис баёни билан маъқулланган.

КИРИШ
Мазкур дастурда «Меҳнатни муҳофаза қилиш ва техника хавфсизлиги» фанининг назарий асослари, тарихи унинг инсон учун аҳамияти ёритилган.
Меҳнат муҳофазаси муаммолари ҳозирги кунда янада долзарб бўлиб бормоқда. Бу муаммоларни чуқур ҳис қилиш ва уларнинг ечимини топиш ҳар бир фуқаронинг вазифасидир. Айникса, бу борада бўлғуси раҳбарлар – яъни ҳозирги талабалар масъулдирлар. Ундан ташқари фаннинг ўқув дастурида меҳнат муҳофазаси қонунчилиги ва республикамизда қабул қилинган екологияга оид қонунлар асосида, атроф-муҳит муҳофазасини экологик асослари атмосферани ҳимоя қилиш ҳамда уни ифлосланишини меъёрлаш, темир йўл корхоналаридан атмосферага чиқаётган ифлос ҳавони тозалаш воситалари, шунингдек темир йўл корхоналарида меҳнат гигиенаси ва саноат санитарияси, цехларни ёритиш, машина ва дастгохларни хавфсиз ишлашини таъминлаш, шовкин ва титраш, электр хавфсизлиги, огир қўл меҳнатини механизациялаш, корхона худудини ободонлаштириш, ёнгин хавфсизлигини таъминлаш, дастлабки ёрдам кўрсатиш масалалари ёритилган.

Фаннинг мақсад ва вазифалари

Фан ўқитилишининг мақсади – бўлажак мутахассисларга меҳнат фаолиятларида юзага келадиган хавфларнинг келиб чиқиш сабабларини, ҳусусиятларини, оқибатларини ва уларни йўқотиш қоидаларини, хавфсиз иш шароитларини яратиш, табиий, техноген, экологик ва бошқа турдаги фавқулодда вазиятлардан аҳолини ҳимоя қилиш, уларни назарий ва амалий жиҳатдан ҳимояланишга ҳамда жароҳат олганларга бирламчи тиббий ёрдам кўрсатиш қоидаларини ўргатишдан иборат.
Ўқув фанини ўрганишнинг асосий вазифалари: ишлаб чиқариш ва меҳнат фаолиятларида юзага келадиган хавфларни идентификатциялаш ва уларни ўрганиш, ишлаб чиқариш жараёнларида хавфсиз меҳнат шароитларини яратиш, техносферада касб касалликларини камайтирадиган ва бахтсиз ходисаларни олдини оладиган чора-тадбирларни ўрганиш.

Фан бўйича ўқувчининг ўзлаштириши лозим бўлган билим ва кўникмалари.