Ўзбекистон республикаси олий ва ўрта махсус таълим вазирлиги ўрта махсус профессионал таълимнинг

Талабанинг фан бўйича ўзлаштиришини баҳолаш қуйидаги мезон асосида амалга оширилади:

Баҳо	Талабаларнинг билим даражаси
Аъло	Хулоса ва қарор қабул қилиш. Ижодий фикрлай олиш. Мустақил мушоҳада юрита олиш. Олган билимларини амалда қўллай олиш. Моҳиятини тушунтириш. Билиш, айтиб бериш. Таcаввурга эга бўлиш.
Яхши	Мустақил мушоҳада қилиш. Олган билимларини амалда қўллай олиш. Моҳиятини тушунтириш. Билиш, айтиб бериш. Тасаввурга эга бўлиш
Қониқарли	Моҳиятини тушунтириш, Билиш, айтиб бериш. Тасаввурга эга бўлиш.
Қониқарсиз	Дастурни ўзлаштирмаганлик.Фаннинг мохиятини билмаслик. Аниқ тасаввурга эга бўлмаслик. Билмаслик.

Баҳолашларни ўтказиш мезони
Баҳолашларни тасдиқланган ўқув жараёни жадвалига мувофиқ деканат томонидан тузилган жадвал асосида, фан бўйича ўқув машғулотларини олиб борган профессор-ўкитувчилар ўтказади.
Биринчи оралиқ баҳолашдан қониқарсиз баҳоланган талаба иккинчи оралиқ баҳолашгача, иккинчи оралиқ баҳолашдан қониқарсиз баҳоланган талаба якуний баҳолашгача қарздорлигини қайта топшириши мумкин.
Якуний баҳолашдан 2 (қониқарсиз) баҳоланган талаба академик қарздор ҳисобланади.
Семестр якунлари бўйича қарздор талабаларга навбатдаги семестр якунигача, семестр якунлари бўйича қарздор талабаларга янги ўкув йили бошланишига қадар қайта топширишга қўшимча муддат берилади.
Қайта топширишлар сони 2 мартадан ошмаслиги керак. Иккинчи қайта топшириш ўқув ишлари бўйича директор ўринбосари тасдиқлаган комиссия томонидан қабул қилинади.
Қушимча муддатларда ҳам академик қарздорликни бартараф этмаган талаба ўқув ишлари бўйича директор ўринбосари тавсиясига кўра белгиланган тартибда директорнинг буйру­ғи билан курсда қолдирилади.
Талаба назорат натижаларидан норози бўлса, фан бўйича назорат тури натижалари эълон қилинган вақтдан бошлаб бир кун мобайнида ўқув ишлари бўйича директор ўринбосарига ариза билан мурожаат этиши мумкин. Бундай ҳолда ўқув ишлари бўйича директор ўринбосарининг тақдимномасига кўра директор буйруғи билаи 3 (уч) аъзодан кам бўлмаган таркибда апелляция комиссияси ташкил этилади.