Ўзбекистон республикаси олий ва ўрта махсус таълим вазирлиги равшанов С. С, Мирзаев Ж. Д. Дон ва дон маҳсулотлари экспертизаси

Маҳсулотларнинг ранги. Макарон маҳсулотларининг ранги кремсимон ёки сариқ тусли бир жинсли, уннинг навига мос, қорилмай қолган уннинг изларисиз бўлиши керак. Қўшимчалар қўшиб тайёрланган маҳсулотларнинг ранги мос тарзда ўзига хос рангда бўлади.
Макарон маҳсулотларининг қаттиқ буғдойнинг ёрмачасидан ишлаб чиқаришда ҳосил бўладиган олтинранг-сариқ, қаҳрабосимон ранги мақсадга мувофиқ ҳисобланади. Шаффоф юмшоқ буғдойнинг ёрмачасидан кремсимон-сариқ, олий навли буғдой унидан оч-кремсимон рангли, қаттиқ буғдойнинг ярим ёрмачасидан жигарранг тусли, юмшоқ шишасимон буғдойнинг ярим ёрмачасидан ва биринчи навли нонвойлик унидан эса кулранг тусли маҳсулотлар ишлаб чиқарилади. Бунда уннинг кулдорлиги қанчалик юқори бўлса, маҳсулотлар шунчалик қорамтир рангли бўлади.
Силлиқ юза - маҳсулотларнинг рангига тўйиниш беради, дағал (ғадир-будир) юза эса оқ тус беради.
Қуритишнинг биринчи босқичларида намликни тезлик билан ажратиш, ҳамда қориш, шакл бериш ёки қуритишнинг юқори ҳароратли режимларидан фойдаланиш - очиқ тусли маҳсулотлар ҳосил бўлишини таъминлайди.
Маҳсулотларнинг юзаси. Макарон маҳсулотларининг юзаси силлиқ бўлиши керак, бироз дағаллик бўлишига йўл қўйилади.
Шакл берувчи тирқишларига тефлон ўрнатилган матрицалар орқали хамирга шакл берилганда доимо силлиқ юзали маҳсулотлар ҳосил бўлади. Тефлон ўрнатилмаган матрицалардан фойдаланилганда, юзасининг дағаллиги камроқ бўлган маҳсулотларни олиш учун намлиги юқорироқ бўлган хамирдан фойдаланиш лозим.
Маҳсулотларнинг шакли. Макарон маҳсулотларининг шакли ўз номига тўғри келиши керак. Макаронлар, перолар, вермишел ва уграда маҳсулотларнинг кўринишини ёмонлаштирмайдиган букилишлар ва эгриликларга рухсат этилади.
Қуйидагилар деформацияланган маҳсулотларга таалуқли:

• 
  шаклини йўқотган ёки бўйламасига ёрилган найсимон маҳсулотлар, чет-лари эзилган ёки жуда эгриланган (макаронлар ва перолар) маҳсулотлар;
  

• 
  йиғилиб қолган ёки хилга мос бўлмаган шаклдаги угралар; турга хос бўлмаган шаклдаги, тўлиқ ёки қисман эзилган шаклдор маҳсулотлар.
  

Макарон маҳсулотларинингтурли хиллари учун деформацияланган маҳсулотларнинг рухсат этиладиган миқдори22 -жадвалдакелтирилган.
Маҳсулотлар шаклининг бузилиши асосан хамир намлигининг жуда юқорилиги,матрицалардаги нуқсонлар ва нам маҳсулотларни эҳтиётсизлик билан бўлаклаш натижасида содир бўлади.