Ўзбекистон Республикаси Олий ва Ўрта-махсус таълим вазирлиги ҚЎҚон давлат педагогика институти

 
 
ЎЗБЕКИСТОН РЕСПУБЛИКАСИ ОЛИЙ ВА ЎРТА-МАХСУС ТАЪЛИМ 
ВАЗИРЛИГИ МУҚИМИЙ НОМИДАГИ ҚЎҚОН ДАВЛАТ 
ПЕДАГОГИКА ИНСТИТУТИ 
Ижтимоий фанлар кафедраси

ДИНШУНОСЛИК фанидан
МАЪРУЗАЛАР МАТНИ
Бакалавриатнинг II курс талабалари учун
(Жами 36 соат ) 
 
 
Қўқон 2018 

---

Ушбу маъруза матни ЎзОЎМТВ тавсия этган2017 йилдаги намунавий 
дастур асосида тузилган.
Ушбу маъруза матни кафедранинг 2018 йил ----- августдаги 1-
мажлисида муҳокама этилган ва тасдиқланган..
Ушбу маъруза матни Қўқон Давлат педагогика институти ўқув-
услубий кенгашининг 2018 йил---------------- йиғилишида кўриб чиқилган.
Тақризчи:
______________ Ҳ.Сапохонов
«Диншунослик» курсининг ҳажми- 36 соат, шундан 18 соати маъруза, 18 
соати амалий машғулотлардан иборат. 
«Диншунослик» фани бўйича ушбу намунавий дастур олий ўқув 
юртларининг ижтимоий-гуманитар йўналишлари бўйича бакалаврлар 
тайёрлаш мутахассисликларига мўлжалланган бўлиб, ДТС томонидан 
қўйилган талаблар асосида тузилган.
Дин кишилар дунёқараши, жамият маънавий-маърифий ҳаётида муҳим 
рол ўйнай бошлаган ҳозирги даврда мазкур фанни ўқитила бошлаши тўғри 
ва ўринли экани шубҳасиз. Зеро, айнан Диншунослик уни яхлит ижтимоий 
феномен сифатида ўрганиш, ўтмиши, бугунги ҳолати ва истиқболини 
тизимли таҳлил қилиш имконини беради. 
Бу маъруза матн асл манбалар асосида тузилган бўлиб, аввлги ёзилган 
маъруза мантларидан ажралиб туради. Шунга кўра мазкур маъруза матн 
асосида назарий ва амалий машғулотлар ўтишдан аввал тавсия этилган 
манба ва адабиётлар билан имкон қадар кенгроқ танишиб чиқиш мақсадга 
мувофиқдир. 
 
 

---

К И Р И Ш 
Мустақиллик даврида ҳаётимизнинг барча жабҳаларида ўзгаришлар рўй берди, туб 
ислоҳотлар амалга оширилди. Айни пайтда мамлакатимизда демократик давлат ва 
фуқаролик жамиятини барпо этиш йўлида изчил фаолият олиб борилмоқда. Ўзбекистон 
жаҳон цивилизациясининг умумий йўналишига дадил кириб бормоқда. Ижтимоий 
ҳаётдаги ўзгаришлар, уни жадаллаштириш омили бўлмиш фаннинг турли соҳалари 
жумладан, даврни, замонни фалсафий мушоҳада қилишнинг ҳам тубдан янгиланишини 
тақозо қилмоқда. Республикамиз Президенти И.А.Каримовнинг асарларида ушбу жараён 
мазмун-моҳиятининг умумий йўналишлари ва анъаналарига оид кўрсатма ва хулосалар 
асослаб берилган. Эндиликда миллий фалсафий меросимизга ҳам, жаҳон фалсафаси 
намуналарига ҳам янгича ёндашув талаб қилинади.
«Диншунослик» фани бўйича ушбу ўқув дастури диншунос мутахассислар 
томонидан ишлаб чиқилган. Дастур ДТСда бакалавриат талабаларининг зарурий 
тайёргарлик даражаси ва билимлари мазмунига қўйиладиган талаблар асосида 
тайёрланган. 
Мазкур 
фан 
бакалаврларга 
дунёдаги 
динларнинг 
вужудга 
келиши, 
классификацияси, тавсифи, ўзига хос жиҳатлари ҳақида атрофлича маълумот беради. 
Шунингдек, фанни ўзлаштиришда Ўзбекистон Республикасининг «Виждон эркинлиги ва 
диний ташкилотлар тўғрисида»ги қонунини ўрганиш ҳамда дунёдаги диний ташкилотлар 
ҳақида билим ва кўникмалар ҳосил қилиш кўзда тутилган.