Ўзбекистон республикаси олий ва ўрта махсус таълим вазирлиги олий таълимнинг

3.3. “Тошкент ёғ-мой комбинати” қўшма корхонасининг 
рақобатбардош маҳсулот тури, номи ва ҳажми 
 
“Тошкент ёғ-мой комбинати” қўшма корхонасининг ҳозирги 
кунда кўп тармоқли фаолият билан шуғулланиб, ишлаб чиқариётган 
маҳсулот турлари 15 хилдан ортиқ.
“Тошкент ёғ-мой комбинати” қўшма корхонасининг 2006 йил 
биринчи ярим йиллигида ўтган йилнинг шу давригача маҳсулот 
ишлаб чиқариш ҳажми 1,8 %га ошган. 
“Тошкент ёғ-мой комбинати” қўшма корхонасининг асосий 
рақобатбардош маҳсулотлари қуйидагилар: 
- пахта ёғи;
- маргарин; 
- майонез тозаланган; 
- қадоқланган ўсимлик ёғи махсулотлари шулар 
жумласидандир. 

---

301 
3.4. “Тошкент ёғ-мой комбинати” қўшма корхонасининг 
2005-2007 йилги молиявий ҳолати таҳлили 
“Тошкент ёғ-мой комбинати” ОАЖ ҚҚ йирик корхона 
ҳисобланиб, бу ерда 1163 ишчи ходимлар ишлашади. Ҳозирги кунда 
ушбу комбинатда: маъмурий-бошқарув ходимлари 97; мутахассислар 
197; хизматчилар 4; ишчилар 935. 2007 йилда комбинатда 1145 ишчи 
ходимлар ишлашган 2006 йил ҳолати бўйича бўйича: маъмурий-
бошқарув ходимлари 88; мутахассислар 122; хизматчилар 4; ишчилар 
931. Раҳбар ва мутахассислар биргаликда инженер-техник ходимлар 
(ИТХ) деб юритилади. Ҳар бир корхона ўзига хос ишлаб чиқариш 
структурасига эга. Бошқаришнинг мақсад, вазифа, объектлар ва 
органлари унинг ташкилий структурасини белгилаб беради. 
Бошқарувни ташкил этиш қанчалик мукаммал бўлса, ишлаб чиқариш 
жараёнига таъсир ўтказиш шунчалик самарали амалга оширилади. 
Эътиборингизни қуйидаги жадвалга қаратмоқчимиз. Ушбу 
жадвалда “Тошкент ёғ-мой комбинати” молиявий фаолиятининг 
2005-2007 йиллардаги умумий мутлақ кўрсаткичлари таҳлил 
қилинган. Жадвалдаги маълумотлардан кўриниб турганидек, сўнгги 
уч йил давомида корхонанинг мол-мулк қиймати, шу жумладан 
асосий фондлари ўсиб борган. Бунинг асосий сабаби шундаки, 
кейинги йилларда корхона ўз фаолиятига кўплаб инвестициялар ва 
капитал қўйилмаларни жалб этганлиги боис унинг асосий фондлари 
кўпайиб борган, айланма фондлар бўлса, 2006 йилда 2005 йилга 
нисбатан ошган бўлишига қарамай, 2007 йилда яна камайиш 
кузатилган. Бундай камайишни ижобий деб баҳоласа бўлади. Чунки, 
айланма фондлар таркибидаги товар-моддий захиралари ва 
дебиторлик қарзлари камайиб борганлиги учун айланма фондларнинг 
камайиши кузатилган. Шуни таъкидлаш жоизки, айланма фондлар 
таркибидаги асосий манбалар пул маблағлари ва қисқа муддатли 
инвестицияларнинг ўсиш тенденцияси кузатилган. Шунингдек, солиқ 
тўлангунгача бўлган фойданинг 2007 йилда 2006 йилга нисбатан 
камайиши ҳам давр харажатларининг, шунингдек реализация 
қилинган маҳсулот таннархининг ошганлиги ҳам бир-бирига 
боғлиқдир.