Ўзбекистон республикаси олий ва ўрта махсус таълим вазирлиги низомий номидаги тошкент давлат педагогика университети

Тадқиқотнинг амалий натижалари қуйидагилардан иборат:
бўлажак муҳандисларда лойиҳалаш компетентлигини ривожлантиришга қаратилган Autocad дастурлари асосида “Қурилишда ахборот технологиялари” фанидан электрон таълим ресурслари яратилган ва амалда фойдаланилмоқда;
бўлажак муҳандисларнинг лойиҳалаш қобилиятини ва ҳаракатларни ривожлантиришга ва касбий масалаларни ечишга қаратилган “ қурилишда касбий масалаларни ечишда фрейм технологиясидан фойдаланиш “ ўқув-услубий қўлланма чоп этилган;
техника йўналишидаги олий таълим муассасалари талабаларининг лойиҳалаш компетентлигини ривожлантиришга имкон берувчи “Қурилишда ахборот технологиялари” фанидан дарслик чоп этилган.
Тадқиқот натижаларининг ишончлилиги. Тадқиқот натижаларининг ишончлилиги хорижий ҳамда ОАК рўйхатидаги илмий журналларда чоп этилган мақолалар, халқаро ва республика миқёсидаги илмий конференция материаллари, илмий-методик таклифларнинг амалиётда татбиқ этилгани; тадқиқот вазифаларига мос тадқиқот методларининг қўлланилганлиги; олинган натижаларнинг математик-статистик қайта ишлов берилганлиги ва ваколатли ташкилотлар томонидан тасдиқланганлиги билан белгиланади.
Тадқиқот натижаларининг илмий ва амалий аҳамияти. Тадқиқот натижаларининг илмий аҳамияти бўлажак муҳандисларнинг лойиҳалаш компетентлигини ривожлантиришга йўналтирилган электрон таълим муҳитига таъсир кўрсатувчи методик шарт-шароитларнинг аниқланганлиги; лойиҳалаш компетентлигини ривожлантиришга йўналтирилган жараённинг ташкилий-педагогик тузилмасининг ишлаб чиқилганлиги; лойиҳалаш компетентлигини ривожлантиришга йўналтирилган замонавий дастурий воситаларнинг мавжудлиги билан изоҳланади.
Тадқиқотнинг амалий аҳамияти бўлажак муҳандисларнинг лойиҳалаш компетентлигини ривожлантиришга йўналтирилган электрон таълим муҳити модели ишлаб чиқилганлиги, ундан амалиётда фойдаланиш; лойиҳалаш компетентлигини ривожлантиришда муаммоли ва фреймли таълим технологиялардан фойдаланиш методикасининг шакллантирилганлиги ва улардан бўлажак муҳандисларни тайёрлаш жараёнида татбиқ этилиши ҳамда малака ошириш ва қайта тайёрлаш курсларида фойдаланиш мумкинлиги билан белгиланади.