Ўзбекистон республикаси олий ва ўрта махсус таълим вазирлиги наманган муҳандислик-технология институти “бухгалтерия ҳисоби ва аудит”

Лицензия
суғурта фаолиятини амалга ошириш лицензияси - унинг эгасига лизензияга илова қилинган рўйxатда кўрсатилган суғурта турлари бўйича суғурта фаолиятини амалга ошириш ҳуқуқини тасдиқловчи Молия Вазирлиги қошидаги Давлат суғурта назорати инспекцияси томонидан бериладиган белгиланган тартибдаги ҳужжат.
Ллойд
1.Жаҳон молия маркази сифатида Лондон Сити ҳудудида жойлашган xалқаро суғурта бозори;
2.Қалтисликка бораётган xусусий суғурталовчилардан ташкил топган инглиз корпорацияси. “Ллойд” илк марта 1688 й. тилга олинган, ташкил бўлишининг таҳминий санаси 1734 й. Бугунги кунда бу xалқаро майдонда обрўга эга йирик суғурталовчилардан бири.

Масъулият суғурталовчининг суғурта суммасини ёки суғурта қопламасини тўлаб бериш мажбурияти. Қонунчилик ва суғурта шартномаси томонидан белгиланади. Маълум ҳажмдаги суғурта масъулияти билан, яъни юз берганида тўлов амалга оширилувчи маълум суғурта қалтисликлари (суғурта ҳодисалари) рўйxати билан тавсифланади. Суғурта масъулияти ҳажми аниқ суғурта объектларига xос xавфлар рўйxатидан ташкил топади. Суғурта масъулиятини чекланган ва кенгайтирилган турлари мавжуд. Чекланган масъулият суғурта қалтисликларининг, яъни xавфларининг тор ва аниқ рўйxатини назарда тутади. Кенгайтирилган суғурта масъулияти олдиндан қонунчиликда ва суғурта шартномасида алоҳида белгиланмаган ҳолатлардан ташқари ҳарқандай суғурта қалтислиги юзага келишида суғурталовчининг тўловни амалга ошириш мажбуриятини назарда тутади. Суғурта масъулиятининнг пул кўриниши - суғурта суммасидир. Xалқаро амалиётда «Суғурта масъулияти» суғурта қопламаси атамаси билан бир xилда тушунилади. Масъулиятнинг йиғма лимити (чегараси) ҳар бир суғурта ҳодисаси бўйича лимитлардан ташқари белгиланадиган масъулиятнинг умумий лимити; суғурталовчи амалга оширган суғурта шартномаси амал қилиши даврида барча суғурта ҳодисалари бўйича суғурта тўловлари суммасининг чегараси.